ఈ సీరీస్ లో మొదటి వ్యాసం “విజయ విశ్వనాథం”: శంకర శాస్త్రి ఆంధ్రా Roarkaa? ఇక్కడ చదవండి

నిన్నే టీవీలో చూశాను. విశ్వనాధ్ కి అవార్డు ఇచ్చారు. హ హ హ. నిజం చెప్పాలంటే అవార్డుకి విశ్వనాధ్ ని ఇచ్చారు.

Ayn Rand తరచుగా అంటుంటుంది. “Art and entertainment could be integrated and with great effect too.” పూర్తిగా ఈ మాటలు కాదు. కానీ దాదాపుగా ఇలాంటివే. ఆర్టు సినిమా లంటే పరమ బోరింగ్ టైపు అని అందరూ అనుకుంటారు. అలాగే కమర్షియల్ సినిమా అంటే ఒక రకమైన చిన్న చూపు ఉంటుంది. (అందరికీ కాదు. కొందరు ఆర్టోళ్ళకి).

ఆర్ట్ సినిమా అంటే సీరియస్సు గా రీళ్ల కొద్దీ సాగుతుంతుందనీ ఒదో రకంగా బ్లాంకు గా హీరో హీరోయిన్లు చూస్తూనే గడిపేస్తుంటారనీ మన వాళ్ల అపోహ. (సంతోషం సినిమాలో డయలాగు గుర్తుందా? నేనైతే బాగానే ఎంజాయ్ చేశాను ఆ డయలాగుని). అలాగే కమర్షియల్/ఎంటర్టైనింగ్  సినిమా లో ఆర్టు ఉండదనీ అపోహ. నిజమే. ఈ రెంటినీ మిక్స్ చేయటం కష్టమే. కానీ అసాధ్యం కాదు.

చక్కని హాస్యాన్ని అద్భుతమైన పాటలనీ, ఆసక్తి గొలిపే కథనాన్నీ, అంతర్లీనంగా ఒక ఫిలాసఫీ ని కలిపి మూడు గంటలపాటూ జనాన్ని కట్టి పడేయవచ్చని కే విశ్వనాధ్ నిరూపించారు. కళాత్మకమైన సినిమాలు ఆడవనే అపోహ ని పటాపంచలు చేస్తూ ఆయన తీసిన “శంకరాభరణం” ఒక ప్రభంజనం. ఆ శంకరుని ధమరుక నాదం వలె, శ్రీకృష్ణ భగవానుడి మురళీ గానం వలె, ఆ సినిమా ముందు మెల్ల గా, ఆ తర్వాత మనో వేగంగా జనానికి చేరింది. తీసే వారికి శ్రద్ధ ఉండాలే కానీ  అలాంటి సినిమాలను ఎందుకు చూడమని జనం ప్రభన్’జన’మై  విశ్వనాథునికి విజయాభిషేకాలను చేశారు.

“Throughout the centuries there were men who took first steps down new roads armed with nothing but their own vision.” – Ayn Rand.

The Fountainhead  అన్న తన నవల లో వ్రాసింది. ఖచ్చితంగా విశ్వనాధ్ అలాంటి వారే. తను అనుకున్న విధంగానే సినిమాలని తీసి జనానికి వాటిని అలవాటు చేశారు. జనానికి ఏమి ఇయ్యాలి అని ఆయన అనుకున్టం కాదు. జనమే ఆయన మాకు ఏమి ఇస్తారనే ఆసక్తి తో ఎదురు చూసేలా చేయటం ఆయనకే చెల్లింది. అందుకే ఆయన “The greatest of the South Indian directors in the last quarter and half century” అని అన్నా అతిశయోక్తి కాదు.

తెలుగులో కూడా గొప్పగా ఆలోచించ గలిగిన వారున్నారు అని నిరూపిస్తూ ఎన్నో కళాఖండాలని తీసి
తెలుగు వారి గౌరవాన్ని ఇనుమడింప చేసిన విశ్వనాధ్ కి అవార్డు మనం ఇవ్వలేం. ఆయనే అవార్డుని అనుగ్రహిస్తారు.

P. S.: The next post in this series is “గురు శిష్యుల స్వాతి కి’రణం’”.