ద్రోణ గురించిన టాక్ సినిమా వచ్చాక కంటే వచ్చే ముందే ఎక్కువ ఉండింది అనిపిస్తోంది ఇప్పుడు. నిన్ననే ఈ సినిమా చూశాను. చిన్నపాటి పరిచయ వ్యాసం ఇది.
సినిమా కథ విషయానికొస్తే, ఇదో సూపర్ హీరో కథ. ఆది అనబడు హీరో అభిషేక్ బచ్చన్ ఒక కుటుంబం పెంపకంలో పెరిగి పెద్దవాడౌతాడు. ఆ కుటుంబం మరి అతన్ని ఎందుకు పెంచుతోందో అర్థం కాలేదు కానీ, హ్యారీపాటర్ లాగా ఇందులో కూడా ఆ కుటుంబసభ్యులకి అతనంటే పడదు. అతనికి చిన్నప్పట్నుంచి ఏవో కలలు వస్తూ ఉంటాయి. వాటి మూలం అతనికి అంతు పట్టదు. పెద్దవాడయ్యాక ఒకసారి రిజ్ రిజాదా అన్న మాంత్రికుడి ప్రదర్శనకి వెళతాడు. అక్కడే మాంత్రికుడికి తనకి అమృతం తెచ్చిపెట్టగల “ద్రోణ” ఆదినే అన్నది అతని చేతికున్న కంకణం చూడగానే అర్థమౌతుంది. అక్కడ్నుంచి ఆదిని రిజాదా మనుష్యులు వెంటాడుతూ ఉంటే, సోనియా (ప్రియాంకా చోప్రా), ఇతర సభ్యులు అతన్ని రక్షిస్తారు. ఈ రక్షించిన వారు – “ఈ ప్రపంచాన్ని వినాశనం నుండి రక్షించగలిగేవాడు ద్రోణ ఒక్కడే” అనే కల్ట్ అనుయాయులు. ఆది కే తెలియకుండా అతన్ని కనిపెడుతూ ఉంటారు. ఇక ఆది ద్రోణ అయ్యే సమయం ఆసన్నమైందని సోనియా అతన్ని అతని తల్లి (జయాబచ్చన్) అయిన ప్రతాపఘడ్ మహారాణి జయంతి దగ్గరికి తీసుకెళ్తుంది. అక్కడ్నుంచి కథ ఇక ద్రోణ రిజాదా కుతంత్రాలను ఎలా ఎదుర్కొని గెలిచాడు అని.
సినిమా విజువల్స్ పరంగా చూస్తే బాగుంది. చాలా ఖర్చుపెట్టి తీశారని తెలుస్తూనే ఉంది. చాలా కష్టపడ్డారు కూడా ఆ సెట్లకోసం అని అర్థమౌతోంది. కానీ, కథనం సరిగా లేదేమో అనిపించింది. చూసేవారిని కుర్చీల్లోంచి కదలకుండా రెండున్నరగంటలు కూర్చోబెట్టేంత పట్టు ఈ కథనంలో లేదు. హాలీవుడ్ సినిమాలంత బిల్డప్ ఇచ్చినప్పుడు, ఆ మాత్రం శ్రద్ధ తీసుకోకుంటే ఎలా? కే.కే.మీనన్ మాంత్రికుడి పాత్రలో బాగా చేశాడు. ఆ గెటప్ కాస్త నవ్వు తెప్పించేలా ఉంది కానీ, నటనపరంగా బాగా చేశాడు. అభిషేక్, ప్రియాంకాలు ఇద్దర్లో ఎవరు చెక్కమొహం ఎక్కువసేపు పెట్టుకున్నారో? అన్న సందేహం వచ్చేంత పోటీ పడ్డారు ఇద్దరూ. సంగీతం బానే ఉంది. కొన్ని కొన్ని చోట్ల నేపథ్య సంగీతం బాగా అమరింది. విజువల్ అప్పీల్ ఉంది కానీ, గోల్డీ బెల్ దర్శకత్వం అంత గొప్పగా అనిపించలేదు నాకు.
మొత్తానికైతే మీకింకేం పనిలేదని ఫిక్సయితే చూసేయండి వెళ్ళి ద్రోణ ని. కానీ, దీనికంటే బెటర్ సినిమాలు ఉండే ఉంటాయి పక్క థియేటర్లలో. ఓ సారి చెక్ చేసుకోండి.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
రాజేంద్ర కుమార్ దేవరపల్లి says:
అభిషేక్, ప్రియాంకాలు ఇద్దర్లో ఎవరు చెక్కమొహం ఎక్కువసేపు పెట్టుకున్నారో?
సౌమ్య గారు..చెక్కతో ఎన్ని కళాఖండాలు చెక్కొచ్చో మరిచారా?మీరు ఈ విధంగా చెక్కను పోల్చటాన్ని నేనుతీవ్రంగా ఖండిస్తున్నా అధ్యక్షా!:)
కె.మహేష్ కుమార్ says:
అర్థంపర్థం లేని కథ. రక్తికట్టించని కథనం. ఆసక్తిలేని నటన. చేతకాని దర్శకత్వం వెరసి జంధ్యాల భాలో ఇదొక “పరమబోరింగు” చిత్రం.
ఈ సినిమా చూసింతరువాత ఈ లైనుతప్ప మరేమీ రాయడానికి మనసొప్పక, సమీక్ష రాయలేదు. సౌమ్యగారి ధైర్యానికి నా అభినందనలు. వారు సినిమాని భరించడంతోపాటూ, సమీక్ష రాసే ధైర్యాన్ని కూడగట్టుకున్నందుకు జేజేలు.
రత్నాకర్ సదస్యుల says:
ఇది ఒక సినిమా నా. కొంచం హారీ పొట్టెర్, మరి కొంచం మెట్రిక్స్, లోర్డ్ ఒఫ్ తి రింగ్స్ అంతా కలిపిన కలగూర గుంప లా వుంది.దీని కన్నా మన పాత జానపద చిత్రాలు వంద రెట్లు నయం.
శిద్దారెడ్డి వెంకట్ says:
సినిమా ఎలాంటిదైనా, కథ కి సంబంధం ఉన్నా లేకపోయినా విదేశాల్లో సినిమా షూటింగ్ చేయాలనే ఫెటిష్ ఏంటో ఈ బాలీవుడ్ వాళ్ళకి. ఈ సినిమా విదేశాల్లో షూటింగ్ చేయడానికి పెట్టిన ఖర్చు మంచి స్క్రిప్టు డెవలప్ చేయడంలోనూ, మంచి గ్రాఫిక్స్ రూపొందించడంలోనూ పెట్టుంటే మరింత మంచి రిజల్ట్ వచ్చుండేదేమో. అయినా ఏ రుణానుబంధమో కానీ ప్రేక్షకులపై రుద్దబడిన ఈ అభిషేక్ బచ్చన్ లాంటి స్టార్స్ తో, వారి నటనా కౌశలంతో బాలీవుడ్ రానున్న రోజుల్లో ఇలాంటి ఎన్నో కళాఖండాలను మనకందిస్తుందో?
శోభ says:
నవతరంగం 50 వేల విజిట్స్ సాధించినందుకు సభ్యులకూ, పాఠకులకీ అభినందనలు.
chaitanya says:
Hi freinds
regarding this movie, who ever decided to view this movie based on the adds and the hype created by the media, i request all of them not to dare to see. The basic reason is that it is not even worth of a second class ticket fare.
Coming to the story, Abhishek as the so called super hero DRONA is good for some stills but done very poor acting. This narration resembles us as a POWER RANGERS episodes with some non-realistic elements.
No clarity in the story as well. There is no proper begining. Also no proper introduction of heroine who is trying to protect Adi(heros original name in the present narration).
And the stunts are as casual as some childrens play.
And overall it is not even can be rated as avg film.
I dont know how the reliance people bought tis film for Rs.40 crores