The Shawshank Redemption (1994)
పరిచయం:హాలివుడ్ లో “ఆల్ టైం గ్రేట్” లు గా నిలిచిన చిత్రాలలో ఒకటి “ది షాషంక్ రెడెంప్షన్” అనే ఈ చిత్రం. ఆశ (Hope),ఇదే మనిషికి జీవనాధారం. రేపటి మీద ఆశ లేకుంటే జీవితమే పెద్ద ప్రశ్నార్ధకమవుతుంది. కష్టాల్లో కూడా మనిషిని నిలిపేది,నడిపించేది రేపటి మీది ఆశే అనేది ఈ సినిమా లోని అంత:సూత్రం. చక్కటి కధ,స్క్రీన్ ప్లే,మంచి నటన ఈ సినిమా లో ఆకట్టుకొనే అంశాలు.
ముందు ఒక్కసారి ఈ సినిమా కధ :
తన భార్యని,ఆమె ప్రియుడిని హత్య చేసిన నేరం మీద ఏండీ అనబడే వ్యక్తి ని అరెస్ట్ చేసి షాషంక్ జైలుకి తీసుకొని వస్తారు. అక్కడ తనకి రెడ్ అనే వ్యక్తి పరిచయం అవుతాడు. రెడ్ తనకున్న పలుకుబడితో జైల్లోని ఖైదీలకి బయటి నుంచి సిగరెట్లు లాంటివి(జైల్లో దొరకనివి)సమకూరుస్తూ ఉంటాడు. మొదటి సారి చూడగానే రెడ్ కి ఏండీ లో ఏదో ప్రత్యేకత కనపడుతుంది. ఏండీ నిజంగా నేరస్తుడు కాదేమో అని అనుకుంటూ ఉంటాడు. ఏండీ కి రెడ్ కి మధ్య మంచి ఫ్రెండ్ షిప్ కుదురుతుంది. తనకు రాళ్ళను సేకరించడం,వాటిని చెక్కడం తన హాబీ అని,దానికి ఒక చిన్న సుత్తి అవసరం కాబట్టి దాన్ని సమకూర్చి పెట్టమని రెడ్ ని అడిగి దాన్ని సంపాదిస్తాడు ఏండీ. ఐతే ఒకరోజు ఖైదీలందరూ పని చేస్తుండగా,జైలు అధికారి ఒకడు తను కట్టాల్సిన ఆదాయపు పన్ను గురించి తన తోటి వాడికి చెప్తుంటే అది విని ఏండీ కలగ చేసుకొని పన్ను తగ్గించుకొనే మార్గం చెప్తాడు (తను వౄత్తిరీత్య బ్యాంకర్ కాబట్టి). అలా వారికి ఏండీ మీద గురి కుదరడం,ఆ విషయం జైలు వార్డెన్ వరకు వెళ్ళటం జరుగుతుంది. జైలు వార్డెన్ నార్టన్ అవినీతి పరుడు. జైల్లో ఖైదీలచే జైలు బయట పబ్లిక్ కాంట్రాక్టులు చేయగా వచ్చిన డబ్బును,కాంట్రాక్టర్లకు లంచాలివ్వటం ద్వారా తన జేబులో వేసుకుంటూ ఉంటాడు. ఏండీ కి ఈ అవినీతి లావాదేవిలన్నిటికి సహాయం చెయ్యాల్సి వస్తుంది. ఏండీ స్టీవ్ అనే ఒక మారు పేరు మీద బ్యాంకు ఎకౌంటు ఓపెన్ చేసి ఈ డబ్బును నార్టన్ తరపున ఆ ఎకౌంటు లో జమ చేస్తూ ఉంటాడు. ఇంతలో టామి విలియంస్ అనే ఒక కుర్రాడు జైలు కి వస్తాడు. మాటల సందర్భం లో విలియంస్ తనకు పరిచయమున్న ఇతర నేరస్తుల గురించి చెప్తూ,తన ఫ్రెండ్ ఒకతను ఒక జంటను చంపిన వివరాలు చెప్తాడు. విలియంస్ చెప్పిన వివరాలు తన భార్య ,భార్య ప్రియుని వివరాలు సరిపోవటం తో, తను నిర్దోషి నని,తన కేసును తిరగదోడమని వార్డెన్ సహాయం అడుగుతాడు ఏండీ. తనకు ఈ సహాయం చేస్తే వార్డెన్ చేస్తున్న అక్రమాల గురించి బయట ఎవరికీ చెప్పను అని చెప్పి తద్వారా వార్డెన్ ఆగ్రహానికి గురవుతాడు. విషయం బయటకు ఎక్కడ పోక్కుతుందో అని,ఏండీ కి సహాయం చెయ్యక పోగా,అతన్ని ఎవరితో మాట్లాడనీయకుండా ఒంటరిగా సెల్ లో పడేయడం తో పాటు విలియంస్ ని హత్య చేపిస్తాడు వార్డెన్. ఆ సెల్ నుంచి బయటికి వచ్చి మరల వార్డెన్ దగ్గర పనిచేయటం మొదలుపెడతాడు ఏండీ. ఈ సంఘటన తరువాత ఏండీ ప్రవర్తన కొద్దిగా విచిత్రం గా ఉండటం తో రెడ్,ఏండీ ని అభిమానించే ఇతర ఖైదీలు కొంత కలవరపాటు కి గురవుతారు.ఆత్మ హత్య చెసుకోబోతున్నాడనిభయపడతారు.అంతకు ముందు రోజు ఏండీ వీళ్ళని ఒక ఆరడుగుల తాడు అడగటం కూడా వీళ్ళ భయానికి ఒక కారణం.
ఆ మరుసటి రోజు ఏండీ జైలు నుంచి తప్పించుకుంటాడు,మొదట్లో రెడ్ సహాయంతో సంపాదించిన సుత్తి తో రోజూ రాత్రిపూట సొరంగం తవ్వటం ద్వారా.ఇరవై ఏళ్ళు పడుతుంది ఏండీ కి ఆ సొరంగం తవ్వటానికి.ఇలా తప్పించుకొని,స్టీవ్ ఎకౌంట్ (జైల్లో ఉండగా వార్డెన్ కోసం ఏండీ తెరిచిన దొంగ ఎకౌంటు)తాలూకు డబ్బుని డ్రా చేసుకోవటమే గాక, షశాంక్ జైలు లోని అక్రమాలు పత్రికలలో వచ్చేలా చేస్తాడు.దాంతో జైలు వార్డెన్ ఆత్మ హత్య చేసుకుంటాడు. రెడ్ జైలు నుంచి విడుదల కావటం ,ఏండీ ని కలవటం తో కధ సుఖాంతం అవుతుంది.
విశ్లేషణ:కధ చదివితే ఇంతేనా అనిపించొచ్చు.కాని దీన్ని దర్శకుడు తెరకెక్కించిన తీరు లొనే ఉందంతా .సినిమా చూస్తున్న్నంత సేపు మనల్ని ఒక రకమైన ఫీల్ కి గురి చేస్తుంది.ఏండీ,రెడ్ రెండు పాతల్లోకి ప్రేక్షకుడు మమేకమై పోతాడు.వాళ్ళంటే ఒకరక మైన సాను భూతి కలుగుతుంది.(తెలుగు సినిమాల్లో ఈ దర్శక మహానుభావులు భారీ సెంటిమెంట్ డైలాగులు చెప్పించో, హీరోని నలుగురి ముందు అవమానించో కొండకోచో తన్నించో క్రియేట్ చేసే సానుభూతి మాత్రం కానే కాదు).రెడ్ ద్వారా,బ్రూక్స్ అనే ఇంకొక వౄద్దుని పాత్ర ద్వారా దాదాపు జీవితం మొత్తం జైల్లో గడిపిన వారు బయటి ప్రపంచం లోకి వస్తే జీవితం ఎంత కఠినం గా ఉంటుందో తెలుస్తుంది . విడుదలయ్యాక వీళ్ళిద్దరూ ఎదో ఒక నేరం చెసి తిరిగి జైల్లోకి వెళితేనే బాగుంటుంది అని ఆలోచిస్తూ ఉంటారు ఒక దశలో.ముఖ్యం గా బ్రూక్స్.దాదాపు 50 ఏళ్ళు జైల్లో గడిపి దానికి అలవాటు పడి ,నా అన్నవాళ్లు లేకుండా బాహ్య ప్రపంచం లో బ్రతకడం ఎంత కష్టం ? బయటి ప్రపంచం లో ఇమడలేక బ్రూక్స్ ఆత్మ హత్య చేసుకోవడం గుండెల్ని పిండి వేస్తుంది. ఒంటరితనం ఎంత భయం కరమో తెలియజెప్తుంది.
రెడ్ గా మోర్గాన్ ఫ్రీమన్,ఏండీ గా టిం రాబిన్స్ పోటీ పడి నటించారు.సినిమా లో అప్పుడప్పుడు నేపధ్యంలో ఫ్రీమన్ వ్యాఖ్యానం వస్తూ ఉంటుంది ,ఈ వ్యాఖ్యానం ,మరియు జైల్లో జరిగే కొన్ని సన్నివేశాలలోని డైలాగుల్ని వింటే రచయిత కి జేజేలు కొట్టాలని పిస్తుంది.ముఖ్యంగా ఆశ(Hope)మీద రెడ్,ఏండీ ల మధ్య జరిగే సంభాషణ.ఆశ సర్వ అనర్ధాలకు మూలం అంటాడు రెడ్.ఆశ అనేది లేకపోతే ,రేపటికోసం ఎదురుచూడడం అనేది లేక పోతే మనిషి జీవితాని కి అర్ధం లేదు అంటాడు ఏండీ.
“Do you want to Rehabilitate(పునరావాసం)?” అన్న దానికి రెడ్ ఇచ్చే సమాధానం మనల్ని ఆలోచింపజేస్తుంది. ఈ ప్రశ్న అడిగిన అధికారి నుద్దేసిస్తూ రెడ్ ఇలా అంటాడు, “Rehabilitate? నాకు తెలిసి అది రాజకీయనాయకులు వాడే పదం.నీలాంటి సూటు బూటు వేసుకున్న అధికారులు,మీ ఉద్యోగం మీరు చెయ్యాలి కాబట్టి,యాంత్రికంగా,అర్ధం తెలుసుకోకుండా మీరు వాడే పదం. నేను పిల్లాడిగా ఉన్నప్పుడే ఒక పెద్ద తప్పు చేశాను,ఈ జైలు కి వచ్చాను,ఈ నలభై ఏళ్లలో నేను చేసిన తప్పుకి బాధపడని రోజు లేదు.నాకు మరల వెనక్కు వెళ్లాలని ఉంది, వెనక్కి వెళ్లి ఆ పిల్లాడిని కలిసి నువ్వు చేసిన తప్పు ఇది అని చెప్పాలని ఉంది.కాని వాడు లేడు(That boy is long gone). ఈ అరవైయేళ్ళ ముసలాడు మిగిలాడు.ఇదంతా నీకేం తెలుసు?” అంటాడు. ఇలాంటివి ఈ సినిమాలో ఎన్నో .
ఇక స్వోత్కర్ష కొస్తే,నేను ఈ సినిమాని ఈ మూడేళ్ళ లో దాదాపు 15 సార్లు చూసాను.కాస్త వ్యవధి నిచ్చి చూసిన ప్రతిసారి నాకు బోరు అని మాత్రం అనిపించదు.విచిత్రం ఏమిటంటే,1995లో 7 విభాగాల్లో ఆస్కార్ కి నామినేట్ అయినా,Forrest Gump వెల్లువలో కొట్టుకు పోయింది.ఒక్క విభాగం లో కూడా ఆస్కార్ దక్కలేదు.ఆ సంవత్సరం వచ్చిన Pulp Fiction కి కూడా ఇదే పరిస్థితి.తరువాత నెమ్మదిగా ఈ సినిమా లోని ప్రత్యేకత ని గుర్తించారు ప్రేక్షకులు.ఆర్ధికం గా అంత విజయవంతం కాకున్నా , 1995 లో అత్యధికం గా అద్దెకు తీసుకోబడిన సినిమా గా The Shawshank redemption రికార్డ్ సృష్టించింది.ప్రఖ్యాత కధకుడు స్టీఫెన్ కింగ్ రాసిన కధ ఆధారం గా తీయబడిన ఈ సినిమాకి స్క్రీన్ ప్లే, దర్శకత్వం ఫ్రాంక్ డరాబొంట్. ఇంకొక విచిత్రం ఏమిటంటే, ఈ సినిమా మొదట్లో కొద్ది క్షణాలు కనపడే,ఏండీ భార్య ఒక్కటే స్త్రీ పాత్ర.ఒక రకం గా చెప్పాలంటే స్త్రీ పాత్ర లేని సినిమా అని చెప్పొచ్చు.
వారాంతం లో,లేదా ఎవరూ మిమ్మల్ని ఆటంకపరచని సమయం లో ఈ సినిమాని చూడండి.చుట్టూ ఉన్న నిశబ్దం ,ఈ సినిమా,రెండూ మిమ్మల్ని నిస్సందేహం గా ఒక రకమైన ట్రాన్స్ లోకి నెట్టేస్తాయ్.
–ఉమాశంకర్ శివదానం
Filed Under: featured • lead • అమెరికా • ప్రపంచ సినిమా • సమీక్ష
నాకు కూడా విపరీతంగా నచ్చిన సినిమాలలో ఇదొకటి. అనుకోకుండా అప్పుడే (2000) కొత్తగా ప్రారంభమైన HBOలో ఈ సినిమా యాదృచ్చికంగా చూసాను. తరువాత DVD కొనేసాను.
I had to see it another time to understand its worth. But, once I did…. I cant help but think about it with awe and wonder
ఉమాశంకర్ గారూ,
నవతరంగానికి స్వాగతం.
మీ వ్యాసం బావుంది. మరిన్ని హాలీవుడ్ ఆల్ టైమ్ గ్రేట్స్ ను మన వాళ్ళకు పరిచయం చేస్తారని ఆశిస్తున్నాను.
ఈ సినిమా నాకూ చాలా నచ్చిన సినిమాల్లో ఒకటి. నాగేష్ కూకునూర్ తీన్ దివారే సినిమా లో చాలా ఆంశాలు ఈ సినిమాను పోలివుంటాయి.
అలాగే క్లింట్ ఈస్ట్ వుండ్ నటించిన Escape from Alcatraz కి Shashwank….కి చాలా సిమిలారిటీస్ వుంటాయి. వీలయితే ఆ సినిమా కూడా చూడండి.
@ మహేష్,సౌమ్య,వెంకట్: మీ వ్యాఖ్యలకు ధన్యవాదాలు.
Sure Venkat. నాకు నచ్చిన సినిమాల గురించి ముందు ముందు చాలా రాయగలను అని అనుకుంటున్నాను.
ధన్యవాదాలు
/ఉమాశంకర్
ఈ సినిమా ఒక అందమైన క్యూబిక్ ఆర్టులాంటిది. చూసేకొద్దీ ఎన్నో విషయాలు తెలుస్తుంటాయి. హీరో మీద సానుభూతి కల్పించడానికి డైరెక్టర్ తెలివిగా మోర్గాన్ వాయిస్ వోవర్ను వాడుకున్నాడు. సినిమా అంతా మనకు ఆండీ గురించి రెడ్ ఏమనౌకుంటున్నాడు అనే కోణం నుండే చూపిస్తాడు. అందుకే మనకు తెలీకుండానే ఆండీ మీద జాలిపడతాం. అసలు ఆండీ అంతరంగ ఏమిటనేది ఏ పరిస్ధితుల్లో కూడా మనకు తెలియనివ్వడు దర్శకుడు.
నాకు అనిపించే ఇన్టెర్ప్రెటేషన్ ఏంటంటే( ఇది తప్పు అవ్వొచ్చు, కానీ చానాళ్ళ నుండి ఈ సినిమా గురించి నా అభిప్రాయలు చెప్పుకొనే అవకాసం రాలేదు..అందుకే ఇక్కడ ఆ చాన్స్ తీసేసుకుంటున్నా:)…). అసలు ఆండీ నిజంగానే కరడుగట్టిన హంతకుడు. తన భార్య వేరేవాడితో తిరగడం తట్టూకోలేక వాళ్ళిద్దర్నీ చంపేసి అమాయకునిలా అందర్నీ నమ్మిస్తున్నాడు. తనవరకు తాను చేసింది కరెక్టే అనేది అతని భావన. అందుకే ఇరవయ్యేళ్ళపాటు అంతమందితో కలిసి తిరుగుతూ కూడా ఎవ్వరికి తెలియకుండా సొరంగం తవ్వ గలిగాడు. చివరికీ ఎంతో క్లోజ్గా ఉండే రెడ్కి కూడా ఏ క్లూ ఉండదు. ఆండీ ఆలోచనా విధానం చాల ప్రొఫెషనల్గా ఉంటుంది. రేప్కి గురైనప్పుడు కూడా చాలా ధృడంగా ఉంటుంది అతని మానసిక స్ధితి. అలానే జైల్లో అందరూ ఎంత క్షోభకు గురిచేసినా కొంచం కూడా చలించడు. అంటే అతను లోలోపల చాలా స్ట్రాంగ్ పెర్సనాలిటీ అని ఇక్కడ చెప్పదలచుకున్నరేమో. విలియంస్ యాదాలాపంగా చెప్పిన గుర్తులను తన భార్యగా అన్వయించి తప్పించుకోడానికి ప్రయత్నించి ఉండొచ్చు. కానీ ఆ కేస్ ముందుకు నడవకపోవడం వల్ల అక్కడ క్లారిటీ లేదు కానీ, ప్రేక్షకులుగా మనం మిస్లీడ్ అవ్వడానికి ఇదో పెద్ద కారణం. అసలు ఆండి చెడ్డవాడేమో అని అనిపించడానికి మనకు ఎక్కడా ఆస్కారం ఉండదు. నాకెందుకో సినిమాను ఈ కోణం నుండి చూడకపోవడం వల్ల కేవల హోప్ గురిమ్చి మాత్రమే సినిమా అనుకుంటున్నామని అనుమానం. అసలు ఆండీ ఎలాంటి వాడైనా అంతిమంగా చెప్పే పాయింట్ ’ ఆశ’ గురించే అనుకోండి. కానీ ఈ సారి సినిమా చూసేవాళ్ళు ఈ కోణం నుండి చూస్తే ఇంకా ఇంటెరెస్టింగ్ గా ఉంటుందని నా అభిప్రాయం.
బాస్ రేప్ కి గురవ్వడం అని అన్నారు
మీరు మరొక్కసారి చూడండి
వున్న 139 నిమిషాలలో 44th Minute 24th Second lo డైలాగ్ మరోసారి వినండి
సమీక్ష బాగుంది, కానీ క్లైమాక్స్ కూడా అలా వ్రాసెయ్యడం బాగోలేదు. ఈ వ్యాసం పూర్తిగా చదివి సినిమా చూసిన వాళ్ళకు మీరు పొందిన థ్రిల్లు కలుగుతుందనుకుంటున్నారా? ఫరెగ్జాంఫుల్, The Sixth Sense రివ్యూ వ్రాస్తూ .. “…అలా బ్రూస్ విల్లీస్ దెయ్యం అని చివర్లో ప్రేక్షకుడు గ్రహిస్తాడన్న మాట..” అని కీలక మలుపులు (Twist ending) చెప్పేస్తే ఎలా? దీనికి బదులు “ఆండీ జైల్లోనే మగ్గిపోయాడా, రెడ్లా ఆత్మహత్య చేసుకున్నాడా, పెరోల్ వచ్చిందా, అసలు చివర్లో ఏమైంది తెలుసుకోవాలంటే సినిమా చూడాల్సిందే” ఆని చెప్పవచ్చు.
మీరు ఓఠ్ఠి కథా వివరాలతో సరిపెట్టకుండా చిత్ర విశేషాలు, విశ్లేషణ కూడా వ్రాయడం అదిరింది. మీనుంచి మరిన్ని వ్యాసాలను ఆశిస్తున్నాము.
@శంకర్
ఈ సినిమాని నేను మొదట టిం రాబిన్స్ వైపు నుంచి చూసాను అతనే ఈ సినిమా కధానాయకుడు అనుకొని. రెండవసారి మోర్గాన్ వైపు నుంచి. అతిశయోక్తి అనుకొకుంటె, అంతకుముందు చూసిన దానికంటె పూర్తిగా వెరే కోణం లొ కనపడింది నాకు. ఆ కోణంలొ టిం నేరస్థుడా కాదా అనేది మరుగున పడిపోతుంది. ఇది నా ధౄక్కోణం మాత్రమే.
ఇంకొక విషయం, నిజానికి ఇందులొ డైరక్టర్ అసలు వాయిస్ వోవర్ను వాడుకొవటానికి చాలా భయపడ్డాడు. చూపటం కంటె చెప్పటం ఎక్కువవుతుందెమో అని. అనుకొకుండా మార్టిన్ స్కార్సెసి తీసిన “గుడ్ ఫెలాస్” చూసి ధైర్యం తెచ్చుకొని ప్రొసీడ్ అయ్యాడు.
@ నవీన్
ఒక వేళ నెను “సిక్త్ సెన్స్” మూవీ రివ్యూ రాస్తె అలా ఏమాత్రం రాయను. Anyhow మీరు చెప్పిన దాన్ని గుర్తుపెట్టుకుంటాను నా రాబొయే సమీక్షల్లొ.
frank ga cheppalante naku ee movie lo ‘all time great’ ani ekkada anipinchaledu… probably voice over dwara viewers ni influence cheyalanukovadam naku nachaledu anukunta…movie lo ‘brooks was here’ scene baguntundhi…
నాకు బాగా నచ్చిన సినిమాలలో ఇదొకటి.
ఊహించలేని ముగింపు, మంచి కథనం సినిమాకు మంచి ప్లస్సు.
@sankar. You will know it better if you read the book. According to the book, Andy is not a perfect person. He knows how to use others. Now coming to why Andy had to wait 20 years. He doesnt kill his wife, but he feels he is responsible for her death. He is responsible for driving her into having an affair.
This what Red says about Andy “Whatever is wrong with Andy, you would never know”. That’s what Andy’s character is.
నేను ఈ సినిమా చూడలేదు,ఎందుకంటే అవకాశం రాలేదు.సాధారణంగా మోర్గాన్ ఫ్రీమాన్ ఉన్న సినిమాలు చాలావరకూ చూస్తుంటాను.
శంకర్ గారి వ్యాసం,మిగిలినవారి కామెంట్లు చదివాక నాకు స్టీవ్ మెక్వీన్ నటించిన పాపిలాన్ లేక పాపియాన్ (http://www.imdb.com/title/tt0070511/) గుర్తొచ్చింది.
మన్నించాలి,ఉమాశంకర్ గారు,నవతరంగానికి స్వాగతం.
@manjula,
and what I felt while watching the movie.
When somebody asked Stephen King to compare his novels with respective movies, he answered ‘ They are like apples and oranges , both are delicious but different’.. So this might be the difference between the Shawshank novel and movie here again. Unfortunately I’ve not read the novel. But the interpretation I gave previously is completely personal
“Whatever is wrong with Andy, you would never know”, this is the base of my interpretation… But after reading your comment I found another viewpoint to watch the movie again. Thank you
ఉమాశంకర్ గారు,
ఇప్పటికీ మించిపోయిందేమీ లేదు. మీ సమీక్షని కాస్త మార్చి క్లైమాక్స్ చెప్పబోయే ముందు ’spoiler alert’ ఒకటి పెద్ద అక్షరాలతో ఇవ్వండి. సినిమా చూడని వారు అక్కడితో చదవటం ఆపేస్తారు.
స్టీఫెన్ కింగ్ నవలలనుండి తెరకెక్కిన వాటిలో అత్యద్భుతమైన రెండు సినిమాల్లో ఇదొకటి. రెండవది ‘The Green Mile’ (1999). ‘షాషాంక్ రిడెంప్షన్’ నచ్చిన వారికి ‘గ్రీన్ మైల్’ కూడా నచ్చుతుంది.
మీ సమీక్ష బాగుంది, మంచి చిత్రాన్ని పరిచయం చేసారు, కాకాపోతే క్లైమాక్స్ చెప్పకుండా ఉంటే బాగుండేది .. క్లైమాక్స్ చూసి నేను చాలా థ్రిల్ అయ్యాను, మీరు ముందే చెప్పెస్తే చూసే వాళ్ళు అంతగా ఎంజాయ్ చెయ్యలేరు ( నా స్నేహితులకు జరిగిన అనుభవం ఇది )
మీరు ఇలాంటి మరిన్ని మంచి చిత్రాలని పరిచయం చేస్తారని ఆశిస్తూ…
ఈ మధ్యనే స్క్సిన్ రైటింగ్ లో గురు సిడ్ ఫీల్డ్ పాత ఇంటర్వూ ఒకటి చదివాక ఈ సినిమాగురించి తెలిసింది. వెంటనే చూసాను. మీరు చెప్పినట్టు చాలా మంచి ఇంపక్డ్ కలిగించే సినిమానే. నా వరకైతే ఆండీ కాని రెడ్ కానీ నేరం చేసారా లేదా అన్నది తెలుసుకోవడం మీద పెద్ద ఆశక్తి లేదు. పరవర్తన కలిగించడం అనే పేరుతో ఈ సంస్థలు మనుషుల్ని ఎలా ఎక్కువ నేరస్థులుగాను ఆశ కోల్పోయి instituionalize అయ్యేలాగా చేస్తున్నాయో, మనలో మనకి చాలా ముఖ్యమైన దాన్ని – కలల్ని – కాపాడుకోవల్సిన అవసరాన్ని చూపించాడనిపించిది. IMHO ఆ దృష్టితో చూస్తే మన ఉద్యోగాలు, కంఫర్ట్ జోన్స్ మనల్ని ఎలా instituionalize అయ్యేలా చేస్తున్నయో కూడా చూసుకోవలని చెప్పడం అంతరార్లీనంగా కనబడుతుంది.
నా ఫేవరెట్ డైలాగ్ ఆండీ రెడ్ తో జైల్లో చివర్లో అన్నది – ‘finally its a simple choice I guess, get busy living or get busy dying’
వ్యాఖ్యానించిన అందరికి పేరు పేరునా ధన్యవాదాలు.
@అబ్రకదబ్ర గారు, నవీన్ గారు, ప్రపుల్ల గారు : నా రాబొయె వ్యాసాల్లొ మీరు చెప్పిన మార్పు చూస్తారు. మీ సూచనని తప్పక పాటిస్తాను. ఒకసారి వ్యాసం పబ్లిష్ అయ్యాక దాని ఎడిట్ చెయ్యొచ్చో లేదో…..
రాజేంద్రకుమార్ గారు: ధేంక్యు అండి.
రమణ గారు : Thats a good thought. Many interpretations can be made out of this movie. May be thats one of the reasons why this movie is much talked about…
కాస్త పనుల ఒత్తిడి లో ఉండి ఇటు వైపు రాలేక పొయాను. I will try to be regular hence forth @నవతరంగం..
వెంకట్,
>> “క్లింట్ ఈస్ట్ వుండ్ నటించిన Escape from Alcatraz కి Shashwank….కి చాలా సిమిలారిటీస్ వుంటాయి”
Good observation.
Escape from Alcatraz సినిమా నుండి inspire అయ్యే కింగ్ తన Rita Hayworth and the Shawshank Redemption పుస్తకం రాశాడు. కాబట్టి వాటిలో కొట్టొచ్చే పోలికలుండటం సహజమే.
Escape from Alcatraz was based on a true story. Frank Miller is a real convict who escaped from the famous Alcatraz prison; and he remains the only person in history who managed to do so. Nobody can beat it, ‘coz Alcatras isn’t a prison any more. It’s now one of the popular tourist spots in San Francisco.
Modotlo,
Na cinema mitrulu ee cinema gurunchi mataladukunte antha goppaga untunda anukunna.
Chdataniki try chesa naku nizam ga ardham kala. Taruvatha slow ga స్టీఫెన్ కింగ్ Cinemalu chudatam modalu petta aa varusa lo chusinave Green mile, 1408, The Shining , akarugua unnadi ee cinema.
Modotlo konchem ardha kakapoyena tharu vatha Ruchi telesindi an Extraordinary film . I really love to watch it.
దొంగలు పడ్డ ఆర్నెల్లకి .. లాగా .. ఉమాశంకర్ గారూ, నవతరంగానికి స్వాగతం.
ఈ సినిమా మళ్ళీ మళ్ళీ చూసిన కొద్దీ కొత్త కోణాలు స్ఫురిస్తుంటాయని పైన శంకర్ రాసిన మాత వాస్తవం.
ఒక విధంగా ఏండీ మొదట్లో ఆ హత్యలు చేశాడా లేదా అనేది ఈ సినిమా కథకి అప్రస్తుతం. ప్రేక్షకుడి మనసులో ఆ సందిగ్ధం అలా ఉండిపోవడమే కథాకథనంలో గొప్పతనం.
IMDB అని సినిమా పిచ్చోళ్ళ సైటొకటుంది. అందులో Top 250 list లో మొన్నటి దాకా రెండో స్థానంలో ఉండేది, మీ సమీక్ష చదివి ఇవ్వాళ్ళ చూస్తే మొదటి స్థానంలో ఉంది!
పైనెవరో స్టీఫెన్ కింగ్ గ్రీన్ మైల్ పేరెత్తారు. నవల సినిమా కంటే ఛాలా బావుంటుంది.
@అరవింద్, కొత్తపాళి గార్లకు: మీ వ్యాఖ్యలకు ధన్యవాదాలు.
The Green Mile సినిమా చూసాను. నవల చదవాలి వీలైతే.
Nice Review…!!
adrushtavanthulu english ardham chesukogalaru. maanti vaariki ee visleshanale gati anduke chaalaa chaalaa santhosham saaroo
ఈ సినిమా ని ఒకే ఒక సన్నివేశం తో దాదాపుగా అర్థం చేసుకోవచ్చు .జైలువార్డెన్ ANDY దగ్గరనుంచి తీసుకున్న బైబిల్ తిరిగి ఇస్తూ
“Salvation lies within.” అని అనడం జరుగుతుంది.ఈ సనివేశాన్ని మొదటి సారి చూస్తున్నపుడు అంతగా ప్రేక్షకుడు పట్టించుకోకపోవచ్చు.కాని సినిమా క్లైమాక్స్ POV నుంచి ఆలోచిస్తే -అద్భుతంగా అనిపిస్తుంది.(మన “బాషా ” సినిమాలో రజినీకాంత్ చెప్పే “ఒక నిజం చేప్పాను” డైలాగు లాగా)
ఈ డైలాగు ని రెట్రోస్పెక్టివ్ లో ఆలోచిస్తే చాల అర్థాలు స్ఫురణకు వస్తాయి ..అందులో కొన్ని
౧)ANDY జైలు గోడకు కన్నం పెట్టె రాక్-హమ్మెర్ బైబిల్ లో ఉంది అని (టూల్-lies with in)
౨)పోస్టరు వెనుకాల గోడ లోంచి ANDY తన salvation కి దారి (సొరంగం )(వే ఔట్ -lies with in )
౩)ANDY చేసే పనులు ఎవరికీ చెప్పకపోవడం (secrets -lies with in)
ఇలా చెప్పుకుంటూ పోతే ఇంకెన్నో …
చాల రోజుల నుంచి మీ వెబ్సైటు ని చూస్తున్నాను ..కాని కామెంట్స్ రాయడం ఇదే మొదటి సారి .మంచి సినిమా విశ్లేషణలు అందిస్తున్న నవతరంగం టీం కి నా ధన్యవాదాలు .మీ కృషి అభినందనీయం.
“నూతన సంవత్సర శుభాకాంక్షలు”
review chadivi cinima choosanu
Excelent Movie
thank you
first scene lo oka lady vuntundi court lo
panichese supermarket lo inko lady
chivarlo bank lo outgoing mail pampedi kooda lady ne
good review thanks