జానకి గారి తక్కిన గొంతుకలు
ఈ టపా ఉద్దేశ్యం జానకి గారి పాటల గురించి మాట్లాడడం కాదు. ఆమె ప్రతిభలో ఓ కోణాన్ని తలుచుకోవడం. జానకి గారికి మాయ మామూలుగానే తెలుసు. కానీ, ఇక్కడ చెప్పబోతున్నది ఆ మాయల్లో ఇంకో ప్రత్యేకమైన మాయ. గొంతుని మార్చి పాడగలగడం. అలా పాడిన పాటలు ఎన్నున్నాయో నాకు తెలీదు కానీ, నేను విని ఆనందించి, మాయలో పడి, మునిగి – ఇన్నాళ్ళకి కొంత తేలాక ఇప్పుడు వాటి గురించి మిగితా అందరికీ చెబుదామన్న కుతూహలం .. 
నాకు పరిచయమైన వరుసలో రాస్తున్నా:
మొదట: “మల్లెపూల హారమెయ్యవే…” అన్న పాట.. “గోపాల కృష్ణుడు” అన్న ప్రైవేట్ ఆల్బం లోనిది. దీనికి వెబ్ వర్షన్ ఉందో లేదో నాకు తెలీదు. నేను విన్నది ఆడియో కేసెట్లో. చిన్నప్పుడు స్కూల్లో చదివేటప్పుడు విన్నాను మొదటిసారి. ఈ పాటలో ప్రత్యేకత ఏమిటీ అంటే, ఇందులో కృష్ణుడి గొంతూ జానకిదే, యశోద గొంతూ జానకిదే. అయితే, అది అంత కొట్టొచినట్లు కనబడదు. కాస్త గమనిస్తే గానీ, కొన్ని సార్లు వింటే గానీ అర్థం కాదు. నాకు అయితే, అప్పుడు చిన్నవయసు కనుక, మా నాన్న చెప్పినట్లు గుర్తు. ఈ పాట విన్నప్పుడు మొదటిసారి మొదలైంది ఆ “అబ్బ! భలే పాడిందే ఈమె… రెండు గొంతుకల్లో!” అన్న ఫీలింగ్. మొన్నామధ్య అలాంటి పాట మరొకటి(ఈ జాబితాలో చివరిది) వినేనాటికి కూడా ఆ అబ్బురం కొనసాగుతూనే ఉంది…ఉంటుంది కూడా.
రెండవది: “సప్తపది” సినిమా లో “గోవుల్లు తెల్లన” పాట. చిన్నపిల్ల గొంతుకా, పెద్ద గొంతుకా – మళ్ళీ. ప్రశ్న-జవాబు. ఆ పరంగా చూస్తే, పై పాట మాదిరిదే ఈ పాట కూడానూ. ఇది వింటున్నప్పుడు మరోసారి అనుకున్నా – “ఈమెకి మాయ తెలుసు” అని.
మూడవది: చిన్న బిట్. “స్వాతి ముత్యం” లో “చిన్నారి పొన్నారి కిట్టయ్య” పాట లో, అంత సేపూ అమ్మ గొంతుక లో పాడిన జానకి చివరి బిట్ లో మాత్రం పిల్లవాడి గొంతుక లో పాడుతుంది. పాట మొత్తం పిల్లాడి గొంతుకు ఎస్పీబీ నే పాడారు, కానీ ఆ భాగానికి ఆమె ఎందుకు పాడింది అన్నది నాకు అర్థం కాలేదు.
నాలుగవది: “దండాలు సామీ దండాలు..” అని మొదటిసారి ఈటీవీ వారి “ఝుమ్మందినాదం” లో విన్నాను. చివరిసారీ అదే! ఇందులో నాలుగు గొంతుకల్లో పాడుతుంది ఆమె. చిన్న పిల్లాడి నుంచి ముదుసలి దాకా- జీవితమజిలీల్లో నాలుగు వేర్వేరు మజీలీల్లో ఉన్న వారి గొంతుకలు. ఆ పాట ఎక్కడ దొరుకుతుందో తెలీడం లేదు. పోనీ, ఆ ప్రోగ్రాం దే వీడియో అయినా దొరుకుతుందేమోనని చూసా కానీ..ప్చ్! (ఎవరికన్నా ఈ పాట దొరికే మార్గం తెలిస్తే చెబుదురూ?)
ఐదవది: బంధం సినిమాలో ఆ చిన్నపాప సుప్రభాతం పాడటం. ఇది యూట్యూబ్ లో ఇక్కడ ఉంది. రెండు చోట్ల వస్తుంది. ఓ చోట పి.సుశీల, ఎస్.జానకి కలిసి పాడారు. అంటే, సినిమాలో తల్లీ కూతుళ్ళకి. రెండో చోట కూతురు మాత్రం పాడుతుంది. ప్రత్యేకంగా ఏమని చెప్పను ప్రతి పాటకీ? నేను విన్న ప్రతి పాటనీ ఎంజాయ్ చేసాను ఇక్కడ చెప్పన వాటిలో.
ఆరవది: “కొక్కా మండీ…” – అని ఒక పాట యాహూ వారి ఎస్.జానకి గుంపులో ఒకరు ఫైల్ షేర్ చేసారు… చిరియోచిరి అన్న సినిమా. చిన్న పిల్ల గొంతుక మళ్ళీ.
ఏడవది: “మామీపేరుమానె” అన్న తమిళ పాట – నెన్జతై కిల్లాథె అన్న సినిమా. ఇది నన్ను ఆశ్చర్యపరిచినంతగా బహుశా ఏపాటా చేయలేదేమో. విని ఇన్నాళ్ళైంది, నాకు ఇంకా ఆశ్చర్యంగానే ఉంది దాన్ని తలుచుకుంటే. కారణం ఈ పాట ఫుల్ సాంగ్ మేల్ టీనేజర్ గొంతులో సాగుతుంది. అసలు అది ఆమే పాడింది అని ఆ పాట గురించి తెలిపిన వ్యాసం తెలుపకపోతే అనుకునేదాన్నే కాదు. ఆ పాటలో మధ్యలో మళ్ళీ డైలాగులు కూడా వస్తాయి…అవి కూడా ఆమే చెప్పిందా? అన్న దాని గురించి నాకు ఎక్కడా సమాచారం దొరకలేదు. పాటే నేను అది జానకి పాడింది అని చదివితే గానీ నమ్మలేనంత పూర్తిస్థాయిలో గొంతు మార్పు చేసిన పాట. ఇక ఆ డైలాగులు, అసలా పాట పాడటంలో ఆమె తప్ప వేరెవరూ పాలు పంచుకోలేదు అంటే మటుకు ఇది మరో అద్భుతమే!
ఎనిమిదవది: “..పేరు మల్లీ…ఊరు కొత్త దిల్లీ..” అని మౌనగీతం అన్న మళయాళ సినిమాలో ఓ పాట ఉందని చదివాను…కానీ వినలేదు. ఇందులో తాగుబోతు గొంతుకలో పాడారు ఆమె అని విన్నాను. నాకు అదీ “మామీ పేరు..” పాట ఒకటే ఏమో…భాషలు మాత్రం వేరేమో అని అనుమానం. ఇంకా ఈ పాట వినలేదు కనుక, చెప్పలేను.
ఇంకా ఇలాంటివి ఉండొచ్చు. కానీ, ప్రస్తుతానికి నాకు గుర్తొచ్చినవి ఈ ఎనిమిదే. ఇవి విన్నాక నాకు అవిడ మీద ఉన్న అభిమానం కొన్నాళ్ళపాటు అబ్బురంగా మారి, మళ్ళీ కొంతకొంతగా అభిమానంలో చేరిపోయింది. ఈ టపా మొదలుపెట్టినప్పటి ఆవేశం (ఎప్పుడో ఫిబ్రవరీలో మొదలుపెట్టాను రాయడం) ఇప్పుడు లేదు కానీ, చెప్పదలుచుకున్నది ఇదే – జానకి గారి గొంతులోని వర్సటిలిటీ.
Filed Under: lead • వ్యాసాలు • సంగీతం-సాహిత్యం
జ్యోతి సినిమాలో “సిరిమల్లె పూవల్లె నవ్వు” పాటలో నవ్వు కూడా జానకి గారిదే!
అలాగే కటకటాల రుద్రయ్య సినిమాలో “మధురా నగరిలో” పాట ఇద్దరు పాడినట్లుగా వినిపిస్తుంది. కానీ ఆ రెండూ జానకి గారి గళాలే!
నిరర్థక విషయం పైన వ్రాసిన నిరుపయోగమైన టపా. జానకి గారు గొంతులు మార్చి పాడటం, కదలకుండా పాడటం పనికిరాని సంగతులు. ముఖ్యంగా చిన్నపిల్లల గొంతులో అతిగాపాడటం, ఐటం పాటల్లో వికారాలు చేయటం చాలా ఎబ్బెట్టుగా ఉంటుంది. స్పష్టతలో గాని, మాధుర్యంలోగాని సుశీలగారే గ్రేట్.
తెలుగు అభిమాని గారూ,
ఒకరు రాసిన వ్యాసాన్ని మరీ అలా తీసిపారేయడం బాగోలేదు. మీకు నిరుపయోగకరమేమో కానీ నాకు ఈ వ్యాసం ద్వారా కొత్త విషయాలు తెలిసాయి. పోనీ సుశీల గారి గ్రేట్ నెస్ మీద ఉపయోగమైన టపా మీరు రాయకూడదూ?
జానకి గారి మీద నవతరంగం లో వ్యాసం అనగానే, సౌమ్య నే అయ్యుండాలి అనుకున్నా. అనుకున్నట్టు గానే సౌమ్యనే.
బావుంది. ఈవిడ విశిష్టత గురుంచి ఇన్నాళ్ళూ తెలీదు నాకు.
@teluguabhimAni:
ఇప్పుడిక్కడ వీళ్ళిద్దరి గొంతుకల్నీ కంపేర్ చేసే కార్యక్రమమేదీ నడవడంలేదు. కామెంట్లు రాసిన విషయానికి సంబంధిచినవి ఐతే బాగుంటుంది.
Today is great day
today google released new browser Chrome…
I am able to read the pages on Navatharangam without any trouble….unlike in IE…wher I need to wait…
Thanks Google
మంచి వ్యాసం. నాకిష్టమైన జానకి గారి పాటలు చాలా వున్నాయి. కానీ వారి గొంతుకన్నా సుశీల, చిత్ర గొంతుకలు నచ్చుతాయి.
ఇది వ్యాఖ్య కాదు – ఒక చిన్న విషయం మాత్రమే మనవి చేస్తా :
Quote చిన్న బిట్. “స్వాతి ముత్యం” లో “చిన్నారి పొన్నారి కిట్టయ్య” పాట లో,… … కానీ ఆ భాగానికి ఆమె ఎందుకు పాడింది … Unquote
బహుశా మీరు సినిమా చూసి ఉండరు . ఆ చివరి భాగం పాటని దృశ్యరూపం లో (తెర పై) చిన్న పిల్లాడు పాడినట్లు చూపారు .
బాలు చిన్న పిల్లాడి లా పాడిన భాగం సినిమాలో కమల్ హాసన్ అభినయించినది . ఆ పిల్లవాడు పాడినట్లుగా చివర్లో ఉంది .
ఆమధ్య ఈటివి ‘ఝుమ్మంది నాదం’ కార్యక్రమంలో జానకి గారు స్వయంగా పాడటం చూశేవరకూ నేనూ నమ్మలేదు ఆవిడ గొంతుమార్చి పాడతారని!
Naakaithe avida padina Khadi No 786 lo pata “aatu amalapuram …..” chala istam. Lyric lo konchem gaatu padhaalu unna. padina vidhanam mathram chala husky ga untundhi.
jaanaki gaari prathibha saamaanya mainadhi kadu. asalu atuvanti goppagoppa gayakulani vimarsinchadaniki mani emaatram arhatha ledu. nenu aaradhinche athi koddi vyakthulalo jaanaki gariki vishista sthaanam vundi
సుశీల గారు ఒక గొప్ప గాయని. తెలుగు సిని సంగీతం లో వారి ప్రవేశం ఒక అద్బుతం, ఒక సంచలనం, సిని సంగీతానికి ఒక మెరుపు, ఒక విరుపు, ఒక మాదుర్యం తెచ్చిన మహా గాయకురాలు. కాకపోతే.. మరి డబ్బులకి ఆశ పడో లేక వేరే దానికి ఆశ పడో L.R. ఈశ్వరి, జానకి, రమోల, కనకం, పాడాల్సిన పాటలన్నీ వారే పాడారు. దాంతో CLUB SONGS, VAMP SONGS, COMEDY SONGS అన్ని మంగళ హారతి TYPE లో వినాల్సి వచ్చింది. అదే సమయంలో ఇలా అన్ని పాటలు పాడే సరికి వారి మునుపటి గాత్ర సౌందర్యం లో తేడా వచ్చింది. ఆఖరికి వారికి అవకాశాలే కరువయ్యాయి. చూడండి ఎంత దయనీయమో. (SPB విషయం లో కూడా ఇదే జరిగింది.. జరుగోతోంది).
ఇక జానకి గారు కూడా చాలా గొప్ప పాటలు పాడారు. ‘పదహారేళ్ళ వయసు’ లో కూడా ఒక BIT లో గొంతు మార్చి పాడారు.
మంచో చెడో.. ప్రస్తుతం తెలుగు సినిమాలలో సంగీతం.. ఒక స్వర్ణ యుగం అని చెప్పా వచ్చు. ఎందుకంటే.. ఇప్పుడు MONOPOLY (SPB/SUSHEELA) లేదు. ఒక గొప్ప మార్పు. ఇదే కోన సాగాలి. మార్పు అనేది ప్రకృతి సహజం. SPB/SUSHEELA ఏమి మినహాయింపు కారు.
వ్యాసం బావుంది సౌమ్యా. కానీ ఈ గొంతు మార్చి పాడ్డం గురించి అంత సంభ్రమాశ్చర్యాలెందుకో నాక్కొంచెం అర్ధం కాలేదు. మిమిక్రీ ఆర్టిస్టులెవరైనా ఆ మాత్రం చెయ్యగలరు. ఆ మాటకొస్తే సినిమా పాటల్లో గొంతులు మార్చడంలో SPB ప్రతిభకి ఎవరూ సాటి రారు. జానకి కొన్ని మంచి పాటలు పాడారు, సందేహం లేదు.
kottha pali garu..manaku chala mandhi female singers vunddachu..kani jaanaki gaari prathibha saamaanya mainadhi kadu.asalu atuvanti goppa gayakulani vimarsinchadaniki manaku emaatram arhatha ledu.
SPB garu chala goppa singer,GANTASALA garu kanna na?
Mana female singers jaanaki ,susheela,Bhanumathi,jikki…la lo..jaanaki garu prayogalu chesaru…vijayam sadincharu..
Thanx sowmya garu..
Sowmya garu..alage..koncham sri sri gari gurinchi..kuda
సౌమ్య గారూ,
చాలా బాగుంది …
కాకుంటే ఇక్కడ జానకి గారిని, సుశీల గారిని; బాలసుబ్రహ్మణ్యం గారిని ఘంటసాల గారిని పోల్చడం నాకు సరిగా అనిపించలేదు. ఎవరికి వారికి వాళ్ల గొప్పత(ధ)నం వుంది. ఎవరికంటే ఎవరు ఎక్కువ అన్న తర్జనభర్జన అవసరం లేనిది అనిపించింది … ఎందుకంటే ఇది ప్రత్యేకంగా జానకి గారి కొన్ని విభిన్న గొంతుకలతో పాటలు పాడిన ప్రయోగాల గురించి చెప్పడమే సౌమ్య గారి వుద్దేశ్యమేమో అని నా అభిప్రాయం. మంచి సమాచారం ఇచ్చినందులకు సౌమ్య గారు అభినందనీయులు.
చంద్రం.
manchi info intchinandhuku sowmay gariki thanks… ika kotha pali garu, telugu abhimani garu.. meeku janaki gari ante istam leka pothe ee forum chadava valasina avasaram ledhu.. anthe kani ila blunt gaa antha goppa gayani ni vimarsinchandam emi baga ledhu..
Hi!
Idi manchi vyasam.Indulo asandarbhamiana vishayalu naaku kanipinchaledu.Swati mutyam lo balu garu antavaraku padi chivaralo janaki garu paderu ane observations kasta add on ayayyi kooda.mudu vakyallo ee vyasam scope clear ga icharu kabatti, godave ledu.
Janaki gari gatra dharmam ila padataniki chala mukhyakaranam.aa gontu loni range.Inak expression gurinchi kotatgaa cheppakharleddu.expression konchem ekkuvaga untundi ani kondari abhiprayam (ee duryodhana dussasana lanti patallo), adi visual help to atukutundi situational ga, radio lo vinnappudu sandarbhanni antaga srushtinchukolem kabatti.
Soumya, do u mind sharing me ur email address?pls send me an email to my email ID.
tahnks – sri
తెలుగు సినిమా నేపధ్య సంగీతం అనే తోటలో విరిసిన కుసుమాలు ఈ సుశీల,జానకి,ఘంటసాల,బాలు ఇలా అందరూ కూడా..ఎవరి ప్రత్యేకత వారిది..ఆ కుసుమాలు వెదచల్లే సౌరభాన్ని అస్వాదించడమే మన పని..విని తరిద్దాం..
అసలు జానకి గారి విషయం ప్రస్తావించినప్పుడు వేరే వాళ్ల విషయాలు చర్చించుకోవడం అనవసరం. ఎవరి ప్రతిభ పాటవాలు వాళ్ళవి. ఇలా ఎంతో ప్రయసకోర్చి సంగ్రహించిన విషయాలని తప్పుపట్టకుండా చదివి ఆస్వాదిద్దాం.
అన్నట్టు శ్రీవారిశోభనం అనే సినీమాలో కూడా ఇలాంటి ధ్వనివ్యత్యాసం చూపించారండీ జానకిగారు. “అలకపానుపు ఎక్కనేల చిలిపిగోరింకా అలక చాలింక” అనే పాటలో చివరిలో ముసలమ్మగొంతులో భలే పాడారు ఆవిడ.
janaki gari tolisari mimmalni choosindi modalu ani srivariki premaleka cinemalo pata vinte vari prathiba telustundi