ఇమ్మహేశాభిధానుల కిటుల పెద్ద
పీటవేసి గుండియలలొ గూటినిచ్చి
పూజచేయ ప్రతీ పూట పొలతు లిలను
కీత రాంబాబులందరి కేది దిక్కు?
పై తేటగీతి ప్రశ్నకి రెండంకాలలో, మొదటిది హైదరాబాదులో ఉల్లాసంగా, రెండవది లక్కవరంలో కొంచెం ఊదరకొట్టి, చిత్రరూపంలో ప్రేక్షకుల ముందు సమాధానంగా ఉంచారు ఇంద్రగంటి మోహనకృష్ణ.
మహేశ్ బాబు దొరక్కపోతే కనీసం ఆ పేరున్న వాడైనా దొరికితీరాలన్న పట్టు బట్టిన ఓ వీరాభిమాని అయిన హైదరాబాదు అమ్మాయి, చిన్నప్పుడు ఆ అమ్మాయి చేసిన సహాయానికి ప్రతిగా చేస్తున్న సహాయం అని బనాయించి చెప్పినా అసలు ఆ అమ్మాయి మ్రోగించే మహేశ్ బాబు పాటలు వినలేక ఎలాగోలాగ మహేశ్ అనే వాణ్ణి అంటగడితే ఆ అమ్మాయి పెళ్ళిచేసుకుని వెళ్ళిపోతందిలే అనే ధీమాతో ఆమె తరఫున వరుడివేటలో పడ్డ పక్కింటబ్బాయి, లక్కవరంలో పెదరాయుడి తరహా పూర్వరంగం ఉన్నా అలాంటి హుందాతనపు ప్రవర్తనా భారన్ని ప్రతిరోజు మోయలేక విముక్తి కోసం అడపాదడపా హైదరాబాదు కొచ్చి, పేరు పోకడలు మార్చుకొని, ఊళ్ళో అందుకోలేని సౌఖ్యాలనన్నీ చవి చూడడానికి ఉబలాట పడుతూన్న ఓ అబ్బాయ, ఇక అతని చెల్లలూ – వీరివే అష్టా చెమ్మా చిత్రంలోని ప్రధాన పాత్రలు.
సినిమాని ఏ నవలో, నాటికో ఆధారంగా తీయడమనేది మంచి విషయమే, ప్రేక్షకుడికి – దర్శకుడికి తా చెప్ప/చూప బోయే విషయం మీద మంచి అవగాహన ఉందని కొద్దోగొప్పో ధీమా వస్తుంది కనక. అది అలా ఉంచితే, ఆస్కార్ వైల్డు నాటిక ప్రేరణతో తీసిన సినిమా అంటే కొంచెం కుతూహలం కూడా పెరుగుతుంది, తెలుగులో అలాంటి ప్రేరణనలకి లోనయ్యే దర్శకు లెందరున్నారు, చెప్పండి? ఆ ధీమా, కుతూహలాల వల్ల కలిగిన సదభిప్రాయాన్ని ఎక్కడా పాడు చేయని రీతిలోనే సినిమాని లాగించేసారు ఇంద్రగంటి గారు.
ఈ సినిమా ఆ నాటికకి మక్కీకిమక్కి అనుసరణ కాకపోయినా, పాత్రల సంభాషణా చాతుర్యం, నిమిషానికో తూటాలా ప్రేక్షకులపై సంధింపబడిన ఛలోక్తుల వల్ల ఇది ఏ నాటిక నుంచో పుట్టింది అంటే సులభంగానే నమ్మేయచ్చు. పాతకాలం ఆంగ్ల హాస్య చిత్రాలు, ప్రముఖంగా నాకు గుర్తుకొచ్చేవి నీల్ సైమన్ చిత్రలు, సాధారణంగా బ్రాడ్వే లో ఢంగా మ్రోగించి అటు తరువాత తెరమీద స్వైరవీహారానికి వచ్చేవి – వాటిల్లో విరగబడి నవ్వులందించే, అద్దిరిపోయే మాటలుండేవి. అష్టాచెమ్మా అధికభాగం అలాంటి చిత్రాల కోవలోకే వస్తుందనిపించింది.
అష్టా చెమ్మాలో కూడ కథ కన్నా ముందు మాటల గురంచే చెప్పుకోవాలి, అందునా ముఖ్యంగా తెలుగు ఇంగ్లీషుల మేళవింపు శ్లేషలు (puns) చాల బాగా వచ్చాయి. నవ్వులు చిందించాయి. ఎంత మంచి మాటలున్నా సరిగ్గా మాటాడి ప్రేక్షకులపై సంధించే వారు లేకు పోతే వచ్చేది చిరాకే కాని నవ్వు కాదు, అలాంటిది ఇక్కడ జరగడానికి ఆస్కారం లేకుండా అవసరాల శ్రీనివాస్, స్వాతి, నాని గొప్పగా పాత్రలను పోషించారు. కాని నాని చెల్లెలు గా నటించిన భార్గవి ఊరిపిల్ల అంటే నమ్మశక్యంగా అనిపించలేదు – జడా, పరికిణీ మిగతా ఊరిపిల్లల సరంజామా అంతా ఉన్నా ఆమె మాటలు కొంచెం పేలవంగా తోచాయి. తనికెళ్ళ భరణి గారి శాస్త్రి పాత్ర కూడ రక్తి కట్టలేదు.
స్వాతి పిన్నిగా ఝాన్సి, అమ్మాజీ అనబడే శాస్త్రి గారి వన్వే ప్రియిరాలిలా హేమ ప్రతి మాట గొంతుచించుకుని మరీ అరిచారు, ఫరవాలేదనిపించారు. అరుపులున్నా ఎక్కడా అతిగా అతి అనిపించే ఘట్టాలు లేవు. నటనా, మాటలు, హావభావాల విషయంలో చిత్రానికి నిఝ్ఝంగా స్టార్సు అంటే అవసరాల శ్రీనివాస్, స్వాతి, నానిలే. ముగ్గురూ కలిసి సినిమా మొదటి భాగాన్ని అవలీలగా ముందుకి లాగేసారు. కొంటె తనాన్ని పోతపోసుకున్న పాత్రలో శ్రీనివాసు, మనింట్లో అమ్మాయే అనిపించేలాగ నప్పిన స్వాతి, ఓ పక్క గాంభీర్యం మరో పక్క హాస్యం చూపగలిగిన నాని – ముగ్గరురికి ముగ్గురూ, నువ్వా నేనా అనే లాగ చాలా బాగా నటించారు.
సంగీతం ఫర్వాలేదు కాని సీతారామ శాస్త్రి గారి సాహిత్యం వల్ల పాటలు కొంచెం మెరుగ్గా వినిపించాయి, అందులో ముఖ్యంగా చెప్పకో దగ్గవి ‘తిడతారా కొడతారా’, ‘ఆడించా అష్టాచెమ్మా’ పాటలు. రెండవ భాగం, అంటే లక్కవరంలో జరిగే ద్వితీయాంకంలోనే సినిమా కొంచెం నట్టు పడింది. అనవసరమైన ఊదరకొట్టుడు, దాయెస్-ఎక్స్-మెషీన ల వల్ల (నిజాని కవి నమ్మశక్యంగా ఉండని యాదృఛ్ఛిక సంఘటనల పరంపరలు) కొంచెం పేలవంగా ఉన్నా, అద్దిరిపోయిన మొదటి అంకం వల్ల హాల్లోంచి హాయిగా సంతృప్తితో బయటపడచ్చు.
ఓ సారి తప్పక చూడండి.
–గిరి లంక
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
నవీన్ గార్ల says:
అక్కడక్కడా కొన్ని సన్నివేశాలు బాగున్నట్టనిపించినా, ఇది పెద్ద తలకాయ నొప్పి సినిమా. దర్శకుని పేరు, వెబ్సైట్లలో సమీక్షలు, పొగడ్తలు చదివి థియేటర్కు వెళ్ళిన నన్ను నిరాశకు గురి చేసింది. అసభ్యకరమైన సన్నివేశాలు, సంభాషణలు లేకపోవడమొక్కటే ఓదార్పు.
సుజాత says:
జంధ్యాల మార్కు హాస్యం ఊహిచుకుని వెళ్ళి, తీవ్ర నిరాశకు గురయ్యాను. నిజంగానే తలనొప్పి సినిమా! మహేష్ రివ్యూలోకూడా ఇదే అభిప్రాయం వ్యక్తం చేసాను.
నవీన్ గార్ల says:
అష్టాచెమ్మా / అష్టాచమ్మా … ఇందులో ఏది సరైన పదం?
గిరి says:
ననీన్, తప్పు నాదే, అష్టాచమ్మా సరైన పదం.
Jonathan says:
Hi This is Jonathan from india. I’m independent filmmaker i made two short films, and i’m planing to make another short film, plz let me know if any one would like to produce my script.
see my films here http://www.jonathanswork.com
Thanks,
Jonathan
kranti gayam says:
సమీక్ష బాగుందండి.కాని ఏంటో సినిమాలో అరుపులు కొంచెం ఎక్కువయినట్టు అనిపించింది నాకు.మెత్తటి,వెచ్చని,పింక్ టర్కీ టవల్ తప్ప ఈసినిమాలో నాకు ఏమి నచ్చలేదు.
BHASCAR says:
THIS MOVIE IS A WHOLESOME CLEAN ENTERTAINER.. THE ACTORS DID WELL…
కొత్తపాళీ says:
I personally felt the quality of the comedy was better than Jandhyala’s (a confession here- never really developed a taste for Jandhayala’s comedy), or for that matter, any present day comedy writer’s.
As Giri points out, it is also possible this kind of wit and repartee oriented comedy is rather old, and perhaps not in sync with the present trends. However, I found the dialog quality as well as actors’ delivery were a lot better than the so called comedians of today.
Honestly, whatever lyric quality might be there, was lost in the music. At the end of the movie, I didn’t remember one song. I thoroughly enjoyed the rock-n-roll costumed song and dance.
Giri, your review is right on the money. Enjoyed it as much as I enjoyed the movie.
రాకేశ్వర రావు says:
జంధ్యాల కమెడీ కావలసినవాళ్ళు జంధ్యాల సినిమాకి గాని, యూట్యూబులో జంధ్యాల క్లిప్పులను గాని వెదకితే, నిరాశ కలిగి వుండేది కాదు!
నేను కాస్త ఎక్కువే ఆశలు పెట్టుకోవడం వల్ల ఆ స్థాయికి లేకపోయినా, సగటు తెలుగు సినిమా కంటే చాలా చాలా నయం అని మాత్రం ఖచ్చితంగా ఒప్పుకోవాలి.
స్క్రిప్టులో కొన్ని టెక్నికల్ లోపాలు లేకపోలేవు. ఉదా- రాంబాబు పాత్రను పల్లెటూరివాడిలా తీర్చిదిద్దలేదు. ఇది సినిమాకి పెద్ద మైనెస్.
అలానే స్టోరీలోనుండి ఇంకా హాస్యం రావడానికి అవకాశం వుంది.
o v n prasad says:
happy days cinema hit aina taruvatha directors andaru adhe pandha lo velthunnaranipsthundi
story lo freshness kanipisthundi edemina thanks to sekhar kammula
sekhar says:
Some of my friends were not enjoying the movie. Some enjoyed a lot. I am one among them. I watched this movie along with my 60yrs old mother. She too enjoyed a lot. Movie is really good. I think people who watch this movie with some expectations may not enjoy. I am not saying that this movie is excellent. But one can enjoy this kind of flick for sure.
sandesh says:
this movie is an whole familyentertainer.in this film actors is the main playroles
kranthi says:
etuvanti cinima chaalandi konchem navvu koodaniki.
j.surya prakash says:
‘The Importance of Being Earnest’ అనే నాటకాన్ని పద్దెనిమిదవ శతాబ్దంలో ఆస్కార్ వైల్డ్ రాసాడు. అప్పటి సమకాలీన బ్రిటన్ ఉన్నత వర్గాన్ని సెటైర్ చేస్తూ వచ్చిన ఈ నాటకాన్ని…(రెండు సార్లు ఇదే టైటిల్ తో సినిమా తీసారు) మోహన కృష్ణ చాలా బాగా తెరకెక్కించాడు. అయితే అష్టాచెమ్మాలో అక్కడక్కడా ఝాన్సీ అరుపులు ఎక్కువైనా,క్లైమాక్స్ మరీ మెలో డ్రామాలా విసిగించినా తెలుగు సినిమా చూస్తున్నాం అన్న ఫీల్ తో చూస్తే ఇబ్బంది ఉండదనిపిస్తుంది.
అయితే ఒరిజనల్ లో ఉన్న కథన పద్దతిలోనే ఇప్పటి మన సొసైటీ పరిస్ధితులపై సెటైర్స్ కొన్ని వేస్తే మరింత బాగుండునని పిస్తుంది. అయినా మాయాబజార్,గ్రహణం,చలి తీసిన ఇంద్రగంటి నుంచి ఇంతకు మించి ఆశించటం ఎక్కువ. ఇక మా అమ్మ సరదాగా చూసి రెండు గంటలూ ఎంజాయి చేసింది. గుడ్..ఈ మధ్య కాలంలో ఈ మాత్రం సినిమా రావటం కూడా కష్టంగానే ఉంది కాబట్టి ..అభినందించాలి (కన్ఫూజిడ్ ఉంది కదూ…ఇక్కడ ప్రపంచ సినిమా చూసే చాలామంది పరిస్ధితి ఇదే).
అయితే మా సినిమా మిత్రులు కొంతమంది అప్పుడే పాత ఇంగ్లీష్ సినిమాలు ఇంకేమన్నా దొరుకుతాయేమోనని వేటలో పడ్డారు. మంచి పరిణామంకదా…ఈ వంకనన్నా పాత నాటకాలు,క్లాసిక్స్ తిరగేస్తారేమో
సూర్యప్రకాష్ జోశ్యుల
రత్నాకర్ సదాస్యుల says:
First of all, idhi Jandhyala maarku comedy cinema ani expect chesi vellakodadu, endhukante, idhi purtiga vere rakam comedy. Oka rakam ga cheppali ante, idhi April 1 Vidudula, Sri Kanaka Maha Lakshmi Recording Dance troupe laanti Vamsi mark comedy manaki kanipisthundi.
On the whole, movie bagane vundi, kaani maari antha great ga ledhu. Okati emati ante, family audiences ki e movie baga nachuthundhi. Srinivas Avasarala, Nani iddaru natural ga natinchaaru. Kaani Colors Swati, Jhaansi idhaaru potipaddaru, natana lo kaadhu, arupulo.