“డార్క్ నైట్” సినిమా రిలీజైన మొదటిరోజు నుండే సృష్టించిన హంగామా అంతా ఇంతా కాదు. రిలీజవడానికి ముందు నుంచే ఈ సినిమా కోసం ఎదురుచూసిన వారు ఎంతమందో నాకు తెలీదు కానీ, రిలీజవగానే imdb రేటింగుల్లో అమాంతం మొదటి స్థానానికి ఎగబాకడంతో కలిగిన కుతూహలం కొద్దీ ఇక్కడ రిలీజైన మొదటివారంలోనే ఆ సినిమా చూసిన వారిలో నేనొకదాన్ని. ముందు బ్యాట్మ్యాన్ సినిమాలు చూసిన అనుభవం లేకపోయినా కూడా, ఈ సినిమా చూశాక తక్కినవి కూడా చూడాలనిపించింది. ఇంత కలకలం సృష్టించిన సినిమాపై నవతరంగంలో వ్యాసం లేకపోవడం చూసి, మళ్ళీ నేనే…. 
సినిమా తాలూకా హైప్, హీత్ లెడ్జర్ మరణం – అతని నటనకి కితాబులు, రిలీజ్ సమయంలోనే హీరో క్రిస్టియన్ బేల్ అరెస్టవడం – ఈ సంఘటనలన్నీ నన్ను సినిమా చూడ్డానికి ప్రేరేపించాయి.
కథ పరంగా అన్ని సూపర్ హీరో సినిమాల్లాగానే ఇది కూడా మంచికీ, చెడుకీ పోరాటం. కథ ఓ బ్యాంకు దోపిడీ తో మొదలౌతుంది. ముఠాలోని ఒక్క సభ్యుణ్ణీ తెలివిగా చంపించి, చివరి వాడిని తానే చంపి, సొత్తంతా తీసుకుపోవడానికి రంగంలోకి దిగినప్పుడు పరిచయమౌతాడు మన విలన్ జోకర్. తరువాత బ్యాట్మ్యాన్ రావడం, నగరంలో అన్యాయాలని అరికట్టడానికి పోలీసులు – హార్వే డెంట్, జేమ్స్ గోర్డాన్ నడుం కట్టడం, జోకర్ ఆగడాలు – బ్యాట్మ్యాన్ వీరత్వం, ఇలా అనేక సంఘటనల తరువాత, తన ప్రేయసి మరణం తాలూకా వేదనలో డెంట్ ఉన్మాదిగా మారి చివర్లో బ్యాట్మ్యాన్ చేతిలో హతమవడం, డెంట్ ఇమేజ్ నిలబెట్టడం కోసం అతని తప్పుల్ని తనపై వేసుకుని బ్యాట్మ్యాన్ వెళ్ళిపోవడంతో కథ ముగుస్తుంది. శతకోటి సూపర్ హీరో కథల్లో ఇదో కథ. హీరో వీరత్వం, కరుణ, జాలి, కోపం – ఏది చూపిన హీరోయిక్ గా చూపిస్తాడు కథలో.
సూపర్ హీరో కథల్లో కథని తీసే విధానమే హైలైట్. ఈ సినిమాకి కూడా అంతే. సాంకేతికంగా చాలా బాగా తీసారు సినిమాని. బ్యాట్మేన్ ఆంతరంగిక సమావేశాలు, అతను బైకులో (అదే, bat pod) ఊరు తిరిగే దృశ్యాలు, జోకర్ తో అతని భేటీలు – ఏది చూసుకున్నా బాగా తీసారు. ముఖ్యంగా జోకర్ పాత్ర ఉన్న ప్రతి ఫ్రేమూ చాలా బాగుంది. జోకర్ (హీత్ లెడ్జర్) పాత్ర అంటే లెడ్జరే చేయగలడు అన్నంత బాగా చేసాడు అతను. అతనికి మరణానంతర ఆస్కార్ కోసం కూడా ప్రయత్నాలు జరుగుతున్నాయని చదివాను. కౄరత్వంలో కూడా నవ్వుతున్నట్లు కనిపించే ఆ మొహాన్ని అలా డిజైన్ చేసే ఆలోచన ఎవరిదో కానీ, సినిమా చూసొచ్చాక ఆ పాత్రని ఈ క్షణందాకా ఎన్ని సార్లు తలుచుకున్నానో లెక్కలేదు. ఆ పాత్ర ఒక్కో డైలాగూ మళ్ళీ మళ్ళీ వినదగ్గది – చూడదగ్గది కూడా. హార్వే డెంట్ ని అతను మంచి నుండి చెడుకి మార్చేసిన సీను కూడా నాకు చాలా నచ్చింది. దొంగల ముఠా దగ్గర తన వాటా డబ్బు తీసుకుని తగలేసే సీన్ లో డైలాగులు కూడా చాలా బాగుంటాయి. బ్యాట్మ్యాన్ గా బేల్ నటన బాగున్నా కూడా, సినిమాకి ప్రధాన పాత్ర హీరోనా? విలనా? అన్న సందేహం కలగకమానదు. Joker stole the show. సినిమా చూసొచ్చినవారెవరైనా జోకర్ గురించి ఎక్కువ ఆలోచిస్తారు బ్యాట్మ్యాన్ కన్నా.
క్రిస్టఫర్ నోలాన్ దర్శకత్వం నాకు నచ్చింది. ప్రెస్టీజ్, మెమెంటో తీసింది ఇతనే అని ఈ సినిమా చూసే సమయానికి తెలీదు నాకు. తెలిసాక ఇతని తక్కిన సినిమాలు కూడా చూడాలన్న కుతూహలం కలిగింది. డైలాగులు, స్క్రీన్ ప్లే చాలా బాగున్నాయి. ఈ సినిమా ఐమాక్స్ స్క్రీను పై చూసుంటే ఇంకా బాగుండేదేమో అనిపించింది. మొత్తానికైతే, ఇది చూడదగ్గ సినిమా. imdb మొదటి స్థానానికి తగినదో లేదో నేను చెప్పలేను కానీ, ఓ రెండు మూడు సార్లు చూసినా బోరు కొట్టదేమో ఈ సినిమా అని అనుకుంటున్నాను. All because of Joker and Joker alone. నోలాన్ దర్శకత్వాన్నీ, స్క్రీన్ప్లే నీ చిన్నబుచ్చడంలేదు. జోకర్ లేనిదే ఈ సినిమా ఇంత ఆకర్షణీయంగా అయ్యేదే కాదు అని మాత్రమే చెబుతున్నాను. జోకర్ ఈ సినిమాకి ఊపిరి. లాంగ్ లివ్ జోకర్! ఈ పాత్ర తో లెడ్జర్ అమరుడైపోయాడు. లెడ్జర్ ఆస్కార్ వాదానికి నేనూ మద్దతిస్తున్నా (నా మద్దతు సంగతి అందరికీ అనవసరమైనా కూడా).
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
sasank says:
good post soumya gaaru….atleast ee madhyalo aina navatarangam lo cinemalu nu positive choosi manchiga raasthunnaru.
Ika cinema vishayniki vasthye I-max lo choosthey inka manchi effective vuntadhi…action episodes bagunnayi….screenplay is perfect in this film
nolan direction lo vacchina cinemalu anni non linear format lo vuntaayi kaani ee picture aa vidhamga ledhu….aina vacchina nashtam emi ledhu…
batman begins (deeniki prequel ) kooda choodandi i think you wont disappoint after watching it
శిద్దారెడ్డి వెంకట్ says:
శశాంక్,
మంచి సినిమాలకు మంచి రివ్యూ
చెత్త సినిమాలకు చెత్త రివ్యూ
అదే నవతరంగం!
ఇప్పుడూ, ఎప్పుడూ….ఎల్లప్పుడూ.
నాగమురళి says:
గతవారం ఈ సినిమా చూశాను, కుటుంబ సమేతంగా. సినిమాల నాలెడ్జి విపరీతంగా ఉన్న ఒక మిత్రుడు దీని గురించి చాలా చెప్పాడు. అంత ‘హైప్’ ఉన్నదంటే చాలా గొప్ప సినిమా అయి ఉండాలి అనుకున్నాము. ఆ మిత్రుడు కూడా మాతో సినిమాకి వచ్చాడు. సినిమా బానే ఉంది. జోకర్ పాత్ర అద్భుతం. నేనెప్పుడూ బాట్ మాన్ కామిక్సు చదవలేదు. బాట్ మాన్ సినిమాలూ చూడలేదు. అదే కారణం కావచ్చు- ఈ సినిమాకి ఇంత ‘హైప్’ వచ్చిందంటే చాలా ఆశ్చర్యం వేసింది. మాతో పాటు వచ్చిన మిత్రుడికి కూడా ‘సౌండ్’ లేదు – ఏమిటబ్బా ఈ సినిమా సంగతీ అని.
మొత్తం మీద డిజప్పాయింట్ అయ్యాం. ‘ఓసారి చూడచ్చు. పర్లేదు.’
శిద్దారెడ్డి వెంకట్ says:
నాగమురళి గారూ
అంతా మీడియా దయ. వాళ్ళేది హైప్ క్రియేట్ చేస్తే అది మనం చూడాలి. Steve Rose తన బ్లాగులో చెప్పినట్టు “I’ve no axe to grind against The Dark Knight, but it has achieved a rare degree of publicity hysteria, by accident[http://www.guardian.co.uk/film/2008/jan/23/news2] and by design[http://www.whysoserious.com/]” నాకూ ఈ సినిమా నచ్చింది కానీ IMDB లో మొదటీ స్థానానికి చేరుకునేంతగా కాదు. కనీసం మొదటి వందలో కూడా వుండదు. జనాలు ఒక మాదిరి సినిమా అయినా తారే జమీన్ పర్ సినిమాని కూడా ఇలాగే ఎక్కడికో ఎక్కించి IMDB లో మొదటి వంద సినిమాల్లోకి చేర్చారు.
రాకేశ్వర రావు says:
హైప్ విషయమై,
ఒకడి (హీత్ లెజర్) తద్దినం ఇంకొకడికి (నోలాన్) పండగలా వుంది !
నాకు తెలిసిన కొందరైతే, బెంగుళూరు నుండి హైదరాబాదు వెళ్ళి ఈ సినిమాని ఐమాక్సులో చూద్దామని అనుకున్నారంట, ఎంత వరకూ అమలు చేశారో తెలియదు. అన్నట్టు వీళ్ళు తెలుగువారు లేదా హైదరబాదుకు సంబంధం వున్నవారు కూడా కాదు.
హైప్ వల్ల సినిమాకు లాభం వున్నా లేకపోయినా మీడియాకు లాభం వుంటుంది తప్పనిసరిగా, అందుకే ఈ మధ్య ప్రతి సినిమాకి హైపే.. శివాజీ నుండి సింగ్ ఈస్ కిఙ్ఙ్గ్ వరకూ
శోభ says:
సింగ్ ఈజ్ కింగ్ రివ్యూలో శోభా డే చెప్పినట్టు “It makes me wonder if there is a herd mentality at work somewhere”ఈ సినిమా ని ఇంతపెద్ద హిట్ చేయడంలోను ఈ Herd Mentality ఒక కారణం అనుకుంటా…
chaithu says:
naga murali garu,
Dark knight cinemani ‘ఓసారి చూడచ్చు. పర్లేదు.’ ani kanikarinchinanduku dhanyavadamulu. Meeru ‘rendu saarlu’ choodathagga cinema edina vunte chebuthara!
cinemala gurinchi emi teliyaka poyina comments raasi pareyyadame!
Hype indian movies ki vuntundi ‘రాకేశ్వర రావు ‘. english movies ki vundadu. maa Kharma!!
శోభ says:
@చైతూ,
నాగ మురళి గారికి సినిమాల గురించి ఏమీ తెలియదంటున్నారు.మరి మీకే మాత్రం తెలుసో. డార్క్ నైట్ సినిమా బావుంది అంతే. కానీ మీడియా హైప్ చేసినంత ఏమీ లేదు. మీకు ఏం నచ్చిందో చెప్పండి. జస్ట్ అందరూ బావుందనే మీరూ అలా అంటున్నారు కదా! ఇంగ్లీష్ సినిమాలకి హైప్ ఉండదా?ఎవరు చెప్పారు అలా అని….
ప్రవీణ్ గార్లపాటి says:
సినిమా నాకు నచ్చింది. యాక్షన్ సీక్వెన్సుల గురించి మాత్రం కాదు.
సినిమాలో అన్నిటికన్నా హైలైటు సూపర్ హీరో జనం లో నుంచి రావాలి కానీ నా లాంటి సూపర్ హీరో కాదు అని బాట్మాన్ నమ్మడం.
ఆ భావన చుట్టూనే సినిమా తిరుగుతుంది. అదే సినిమాని మిగతా సూపర్ హీరో సినిమాలకి భిన్నంగా నిలిపింది.
ఐఎండీబీ టాప్ ౧ కి వెళ్ళాల్సిన సినిమా మాత్రం కాదేమో ?
ravi says:
Batman movie action movie kadu…movie lo various principles/theories clash kanipisthundhi… Batman and Bruce wayne madya struggle untundhi…inka White and Dark knights madya unna tension chupisthundhi… adi acton movie anukuni vellina vallu chala mandi disappoint ayyaru…anthaga action movie kavalanukunte ee “Hulk” lanti movie ko vellandi…naku telisi disappoint ayina vallu andaru max ide category…
and the best part is the batman stayed loyal to the comics…Nolan one of the best directors of this generation and this is one of the best superhero films…
ika hype antara… “batman begins” antha adbuthamga teesina taruvatha deeniki antha hype undatam lo pedda visheshmemi ledu….daniki todu Heath ledger death…ika imdb gurnchi matladadam anavasaram…
ravi says:
ika sathakoti superhero cinemala stories lo intha depth tho teesina superhero cinemalu emanna unte cheppagalaru…telusukuntam
శంకర్ says:
నేను ఈ సినిమాని ఏమాత్రం ఎక్స్ పెక్టేషన్స్ లేకుండా వెళ్ళి చూసాను. చాలా బాగా నచ్చింది. సూపర్ హీరో సినిమాల్లో ఈ మధ్యకాలంలో వచ్చిన సినిమాలన్నిటిలో టాప్ ఇదే.. ఇక IDMBలో నెంబర్ వన్ రేటింగ్ అంటే అది ఓటర్లమీద ఆధారపడి ఉంటుంది కదా.. ఈ సినిమా చూసినవాళ్ళు ఎక్కువమంది ఓట్లేసుంటారు. మిగతా సూపర్ మేన్ సినిమాలలోలా బ్యాట్ మాన్ లో జోకర్ ఎప్పుడూ చనిపోడు, కానీ విచిత్రంగా ఆ పాత్రధారి చనిపోయాడు.. తర్వాత సీక్వెల్ లో ఎవరు జోకర్ పాత్ర పోషించినా నెగ్గుకురావడం చాలా కష్టం, లెడ్జెర్ అంతలా ముద్రవేసాడు.
శిద్దారెడ్డి వెంకట్ says:
ఈ సినిమా చాలా బాగుంది. తప్పకుండా శతకోటి సూపర్ హీరోల సినిమాల్లో ఒకటి గ్యారంటీగా కాదు.నోలన్ దర్శకత్వం చాలా బావుంది. కానీ ఈ సినిమా గురించి వచ్చిన హైప్ ఒకటైతే జనాలు దాన్ని మొయ్యడం నాకు నచ్చలేదు. కరెక్ట్ గా చెప్పాలంటే Davinci Code లా కాకూడదని నా బాధ.కొన్నాళ్ళు ఆ పుస్తకం చదవకపోతే ఒక నేరంలా చూసేవాళ్ళు.అలాగే కొన్నాళ్ళకు ఈ సినిమా కూడా అవుతుందేమో. నిజానికి క్రిస్టోఫర్ నోలన్ బెస్ట్ మొమెంటో అయుతే సెకండ్ బెస్ట్ ’ఫోలోయింగ్’, అతని మొదటి సినిమా. బ్యాట్ మెన్ సినిమాలు మంచి మాస్ మసాల సినిమాలు అంతే. పది కాలాలపాటు నిలిచేవి కాదు. సూపర్ హీరో సినిమాల్లో బెస్ట్ అనొచ్చు కానీ అన్ని సినిమాల్లో బెస్ట్ గా మాత్రం నిలవడం కష్టం.
chaithu says:
@shobha,
“డార్క్ నైట్ సినిమా బావుంది అంతే. కానీ మీడియా హైప్ చేసినంత ఏమీ లేదు”.
ye media ekkada,emani hype chesindi. ye media lo hype chesinatlu meeru chadivaru, ye media lo hype chesinatlu meeru choosaru. edo andaru ‘మీడియా హైప్’ antunnaru kabatti manamu aa word anesi chala televynavallu anukunte ela.
Inka naaku ee cinemalo nacchinvai: almost everything,
bale,ledger and maggy action, nolan direction, photography,action scenes, screen play.
Desi yedava cinemala kunde hype english cinemalaku vundadu ani burra vunna vadevadina chepthadu. sarena
రాకేశ్వర రావు says:
@ చైతు
when you start believing the hype, it is hype no longer! It becomes a part of what you think is true. It becomes a part of your ism.
Marketing విషయంలో మనం ‘తెల్ల’వాళ్ళ గోటికి కూడా సరిపోము. మనం చేసేది వారి subliminal advertising ముందు హనుమంతుడి ముందు కుప్పిగంతుల్లా వుంటుంది.
And you know the advertising/hype has worked when, some Indians from remote cultures start getting emotional about it (and hence lose control over the kind of language they are employing), when they see other people terming what they think is ‘well deserved attention’ as hype !
నవీన్ గార్ల says:
నెల ముందు చూశా ఈ సినిమాను. చాలా బాగుంది… అంతే. ఈ సినిమాను ఆల్ టైమ్ గ్రేట్గా ఎందుకు మోసేస్తున్నారో నాకు అర్థం కావడం లేదు. అసలు ఈ వ్యాఖ్య వ్రాయడానికి ఎంతో సందేహించాను. అసలు ఇలా నాకొక్కడికే అనిపించిందా ఏంది అని. ఏదేమైనా ఈ సినిమా ఇంకో సారి చూడాలి… నాకు ఓహో అని ఎందుకు అనిపించలేదా అని. అన్నట్టు దీనికన్నా నాకు ఐరన్మ్యాన్ బాగా నచ్చింది.
రాజేంద్ర కుమార్ దేవరపల్లి says:
సౌమ్య గారు,నేను గతరెండు దశాబ్దాలలో వచ్చిన బ్యాట్ మ్యాన్ సిరీస్ లో వచ్చిన సినిమాలన్నీ చూసాను.కానీ జోకర్ పాత్ర 1989 లో వచ్చిన బ్యాట్ మ్యాన్ లో జాక్ నికల్సన్ ను మించి ఎవరూ గొప్పగా పోషించలేకపోయారు..అని నా అభిప్రాయం.కాకుంటే ఈ(మీర్రాసిన)సినిమా ఇంకా చూడలేదు.జాక్ నికల్సన్ కన్నా మిన్నగా చేసాడూ అని అంటే మాత్రం తప్పక చూస్తాను.
chaithu says:
@రాకేశ్వర రావు
First of all do you know the meaning of hype?
Third class telugu cinemalu, maa cinema abbo, vammo ani dabba kottedaanni hype antaru.
“Marketing విషయంలో మనం ‘తెల్ల’వాళ్ళ గోటికి కూడా సరిపోము”. Tellavalla marketing ki mana nalla vallu
padipotharemo kaani, tellavallu padiporu (ex: posedian (170 mil budget), waterworld 200 mil approx.. ee films emayyayo telusa).
meeku baaga telisina remote cultures, meeru vunde remote place vallu tappa, advertising/hype evaro chesthe emotional kaaru ani anukontunnanu.
mana baasha eduti vaadiki artham kaavalante vaadiki arthmayye baasha lone matladali raakeswararao…
ravi says:
Jack Nicholson over-the-top performance kante much better and complex performance idi… RIP heath
అబ్రకదబ్ర says:
బ్యాట్మాన్ చిత్రాల పరంపరలో మొదటి ఐదూ చూశాను కానీ వ్యక్తిగత కారణాల వల్ల ఈ సినిమా చూడటం ఇంకా కుదరలేదు. ఈ వారాంతంలో చూడాలనుకుంటున్నాను.
జేమ్స్ కేమరాన్ తర్వాత నాకు అమితంగా నచ్చిన హాలీవుడ్ దర్శకుడు క్రిస్టఫర్ నోలాన్. ఇతని గత చిత్రాలు అన్నీ చూసేశాను. పైన కొందరు వాటిని గురించి ప్రస్తావించారు కానీ దాదాపు అందరూ అతని ‘ఇన్సోమ్నియా’ ని మర్చిపోయారు. (రీమేక్ ఐనప్పటికీ) అదీ అతని మంచి చిత్రాల్లో ఒకటి. బ్యాట్మాన్ ఫ్రాంచైజీని పునరుజ్జీవింపజేస్తూ 2005లో ఇతను తీసిన ‘బ్యాట్మాన్ బిగిన్స్’ ఆ తరహా చిత్రాలన్నిటిలోకీ తలమానికమైనదన్నది నా వ్యక్తిగత అభిప్రాయం (‘డార్క్ నైట్’ నేనింకా చూడలేదు కాబట్టి). పాత బ్యాట్మాన్ చిత్రాలలో కనిపించే ఒక రకమైన ‘అతి’ ఇందులో ఉండకపోవటం, బ్యాట్మాన్ అద్భుత శక్తులని మానవాతీత శక్తులుగా కాకుండా సాంకేతికమైనవిగా ఇందులో చూపటం ఇది నాకు నచ్చటానికి కారణం కావచ్చు.
ఇక డార్క్ నైట్ విషయానికొస్తే, నన్ను ఆశ్చర్య పరచిన విషయం, ఈ చిత్రం పేరులో ‘బ్యాట్మాన్’ ట్యాగ్ లేకపోవటం! విడుదలకి ఆరు నెలల ముందునుండీ ఈ సినిమా ప్రమోషన్లో జోకర్ నే ప్రధానంగా వాడుకోవటం జరిగింది. ఇంకా చూడలేదు కాబట్టి హీత్ లెడ్జర్ నిజంగానే జాక్ నికల్సన్ని మరిపించే నటన ప్రదర్శించాడో లేదో నాకు తెలీదు. విడుదలైన నాలుగు వారాల్లోనే ఈ సినిమా నాలుగువందల నలభై మిలియన్ డాలర్ల పైగా వసూలు చేసి ఆల్ టైం కలెక్షన్ల లిస్టులో మూడో స్థానానికి ఎగబాకింది (దీనికన్నా ముందున్నవి టైటానిక్ మరియు స్టార్ వార్స్ మాత్రమే). ఏడెనిమిదేళ్ల నుండీ వార్నర్ బ్రదర్స్ పట్టిందల్లా బంగారమే అవుతుంది. ఆ మధ్య వచ్చిన ’300′ కూడా సరుకేమీ లేకున్నా సర్ప్రైజ్ హిట్ అయ్యి వార్నర్ పంట పండించింది. ఇప్పుడు డార్క్ నైట్ కధ కూడా అంతేనో, కాదో రెండు రోజుల్లో సినిమా చూస్తే నాకు తెలుస్తుంది.
శిద్దారెడ్డి వెంకట్ says:
అబ్రకదబ్ర
మీరు ఫాలోయింగ్ చూసారా?
నోలన్ సినిమాల్లో నాకు బాగా నచ్చిన సినిమా. షూ స్ట్రింగ్ బడ్జెట్. గెరిల్ల ఫిల్మ్ మేకింగ్ స్టైల్. బ్లాక్ అండ్ వైట్. రా టాలెంట్. ఒక ఇండీ ఫిల్మ్ లో వుండాల్సినవన్నీ ఉన్నాయి. అందుకే నాకు బాగా నచ్చింది.
ఇన్ సోమ్నియా ఒరిజినల్ చూసాను. అందుకే ఇది చూడకూడదని డిసైడ్ చేశాను.
అబ్రకదబ్ర says:
మెమెంటో చూసిన తర్వాత నోలాన్ గురించి గూగులింగ్ చేసి అతని మొదటి సినిమా ‘ఫాలోయింగ్’ అని కనుక్కుని అదీ చూశా. మంచి సినిమా. అదేదో ఫిల్మ్ ఫెస్టివల్లో ఫాలోయింగ్ ప్రదర్శనానంతరం నోలాన్ తన తర్వాతి సినిమాకి (మెమెంటో) పెట్టుబడి పెట్టమని ప్రేక్షక సమూహాన్ని అభ్యర్ధించాడట. మరి వాళ్లలో ఎందరు ముందుకొచ్చారో తెలీదు. అన్నట్లు, మెమెంటోలాగే విభిన్న స్క్రీన్-ప్లే తో నన్ను ఆకట్టుకున్న మరో సినిమా ‘ఐడెంటిటీ’ (John Cusack).
కె.మహేష్ కుమార్ says:
ఇప్పటివరకూ వచ్చిన అన్ని సూపర్ హీరో(బ్యాట్మన్, సూపర్ మ్యాన్,స్పైడర్ మ్యాన్) సినిమాలలో నాకు బాగా నచ్చిన సినిమా ఇది. ముఖ్యంగా విలన్ పాత్ర,హీరో పాత్ర తెలియజెప్పదలుచుకున్న సందేశం ఈ చిత్రాన్ని ప్రత్యేకస్థాయికి తీసుకెళ్ళాయనిపించింది.
అబ్రకదబ్ర says:
నిన్న ఈ సినిమా చూశాను. చాలా బాగుంది కానీ ఆల్ టైం బెస్ట్లలో ఒకటి కావలసినంత గొప్పగా లేదనిపించింది. ఇప్పటిదాకా వచ్చిన ఆరు బ్యాట్మాన్లలో అయితే ఇదే అత్యుత్తమం. ఎంతో హైప్ ఇచ్చిన లెడ్జర్ నటన గొప్పగానే ఉంది, కానీ పోలిక పెట్టాల్సొస్తే జోకర్గా జాక్ నికల్సన్కే నా ఓటు. లెడ్జర్ బ్రతికే ఉంటే ఇదే మాట మరింత మంది అనుండేవాళ్లేమో.
********* SPOILER (మీరు సినిమా చూడదలచుకున్నట్లయితే ఇది చదవొద్దు) ********
సినిమాలో నాకర్ధం కానిదోటుంది. చివర్లో హ్యారీ డెంట్ నేరాలని బ్యాట్మాన్ తనమీద వేసుకోవటం కేవలం హీరోయిజం చూపించటానికన్నట్లుగా ఉందే కానీ అవన్నీ జోకర్ మీదకి నెట్టేసుండొచ్చు కదా!?! నైతికత కారణమైతే బ్యాట్మాన్ ఆల్రెడీ అది ఉల్లంఘించేశాడు (సెల్ ఫోన్ల విషయంలో).
హ్యారీ డెంట్ని ఏదో రకంగా బ్రతికించి తరువాతి (ఏడవ) బ్యాట్మాన్ చిత్రంలో two face అనబడే ప్రతినాయకుడిగా ప్రవేశ పెట్టనున్నారా?
ravi says:
As Gordon says Batman is the one Gotham deserves not the one it needs…idi cheppadanike climax ala chesaru…ade entire white knight vs dark knight episode point…
mallela says:
This film is superb. Bale,Maggie and Eckhart acting is ok. but the highlight of the film is Heath as Joker. Director has carved a niche(not ugly) villian character Joker which in my opinion is the new iconic movie villain image. Lt. Heath Ledger has setup a landmark which will take several years for someone else to equate. Morgan Freeman and Michael Caine are wasted. Highlights of this film are Direction ,Action sequences and Joker. You got to watch this movie in IMAX to fall in love. that’s it!