ఒక కంట్రాక్టర్, భార్య, ఇద్దరు పిల్లలు, తల్లి, పనిమనిషి, డ్రైవర్, స్నేహితుడు, మోసం చేసిన భార్యాభర్తలు, డాక్టరు, మాంత్రికుడు. అందరిని కలిపేది చేతబడి. ఇదీ ఈ సినిమా కథ..
మామూలుగా నాకు హార్రర్ సినిమాలు నచ్చవు. కాని మంచి సస్పెన్స్ సినిమాలు ఇస్టపడతాను. టివిలో ఈ సినిమాకు బ్రహ్మాండమైన పబ్లిసిటీ ఇస్తున్నారు. థియేటర్ మొత్తంలో ఒక్కరే కూర్చుని కళ్ళు మూసుకోకుండా చూస్తే ఐదు లక్షలు బహుమతి ఇస్తామని దర్శకులు చెప్తున్నారు. అంటే అంత భయం పుట్టిస్తుందంట. సరేలే అని ఊరుకున్నా. కాని నిన్న రాత్రి ఆ సినిమా చూసా.
రాజీవ్, ఒక సివిల్ కంట్రాక్టర్. పక్కా నాస్తికుడు. అతని ఫ్రెండ్ ఆయుష్మాన్, అతని భార్య మధు, (ఎప్పుడు చూసినా గట్టిగా నవ్వుతుంటుంది. యాక్ !!), భార్య పరమ భక్తురాలు, ఇద్దరు పిల్లలు, పిల్లలకు ఎక్కువగా దేవుడు,దయ్యము కథలు చెప్పే తల్లి, పనిమనిషి, ఒక డ్రైవర్. అతని స్నేహితుడు అతని భార్య కలిసి వ్యాపారంలో మోసం చేసారని అందరి ముందు తిట్టి గెంటేస్తాడు రాజీవ్. అధి మనసులో పెట్టుకుని , కోపంతో రాజీవ్ కూతురు రక్ష మీద చేతబడి చేస్తుంది మధు. చూడ్డానికి అల్ట్రా మాడర్న్ మంత్రగత్తెలా ఉంటుంది. పెద్ద పెద్ద బొట్టు, గట్టిగా అరుపులు ఆవిడ ప్రత్యేకత . ముందుగా ఇవన్నీ నమ్మని రాజీవ్ కూతురిని మానసిక వైద్యులకు చూపించి అన్ని టెస్టులు చేయించినా ఫలితం ఉండదు. చివరకు మరో స్నేహితుడి సలహా మేరకు ఒక మంత్రగాడి వద్దకు వెళతాడు. అతను చెప్పిన కొన్ని విషయాలు నమ్మి అతని పాటు వెళితే ఇదంతా మాయ చేస్తున్న చేతబడి అని చివరి అరగంటలో తెలుస్తుంది. ఆవిడకు రాజీవ్ డ్రైవర్ సాయం చేస్తాడు. అప్పుడో చచ్చు ఫైటింగ్ . మధు గొంతు చించుకుని అరవడం, రాజేవ్ ఎగిరి పడడం, నవ్వాలో , భయపడాలో అర్ధం కాదు. మాంత్రికుడు కష్టపడి (అలా నటించి) ఆ మంత్రగత్తెపై పైన తిరుగుతున్న ఫ్యాన్ పడేలా చేసి చంపేస్తాడు. మధు చేస్తున్న చేతబడి పూజలో పెట్టిన పుర్రెనుండి ఒక తేలు వచ్చి డ్రైవర్ని కాటేస్తుంది. వాడు టపా కట్టేస్తాడు. మధు మొగుడు కూడా డామ్మంటాడు. విద్రోహులు అందరూ పోయారు. అంతవరకు దయ్యం పట్టి(నట్టు) పిచ్చి పిచ్చిగా అరుస్తూ ఉన్న రాజీవ్ కూతురు రక్ష ఇప్పుడు లేచి కూర్చూని మాట్లాడుతూ ఉంటుంది. నాస్తికుడైన రాజీవ్ మాంత్రికుడి సాయంతో చేతబడి నివారణ చేయిస్తాడు. అస్తికురాలైన అతని భార్య మాత్రం అంతా డాక్టరుగారి మహిమ అంటుంది. ఇప్పుడేం చేద్దాం. ఆల్ హ్యాపీస్.
అసలు నేను ఈ సినిమాను కదలకుండా చూసింది, అది కూడా రాత్రి పూట ఎందుకు అంటే? దీని కథ ఏంటి, అంత భయపెట్టేది ఏముంటుంది? నిజంగా అంత భయంకరంగా తీసారా? చివరలొ దానికి ఎటువంటి ముగింపు ఇస్తారు? ఈ ఆధునిక కాలం లో జరిగిన కథకు దయ్యాలు, భూతాలు, చేతబడి అంటారా? లేక అది ఒక మానసిక సమస్య అని తేలుస్తారా? అనే చివరి వరకు చూసాను. కాని తుస్సు మనిపించారు. మధ్య మధ్యలో నిమ్మకాయలు, బొమ్మలు, అనవసరంగా అరవడం, హోరెత్తించే సంగీతం. అసలు ఆ బ్యాక్గ్రౌండ్ మ్యూజిక్ వింటే స్కూలు పిల్లలకు కూడా భయమేయదు. అదీ ఈ రోజుల్లో!! ఈ సినిమాను ఒక టివి సీరియల్ లా తీసి ఉంటే కాస్త బాగుండేదేమో. సాగదీసే చాన్స్ ఉండేది. చేతబడి అనేది ఉందంటారు. నేను మంచి అనే దేవుడు, చెడు అనే దయ్యం ఉంది అని మనసారా నమ్ముతాను. కాని మనుష్యుల బలహీనతలను వాడుకుని చేతబడి అదీ ఇదీ అనే మూడ నమ్మకాలను నిరసిస్తాను. అందుకే ఈ సినిమా చూసి చిరాకేసింది. నాతో పాటు సినిమా చూసిన మా అమ్మాయిని రెండు మూడు సార్లు అడిగా. ” నీకు భయమేసిందా అని..”.. “చా! అంత సీన్ లేదు ” అంది. నాకైతే వెంట్రుక మందం అంత భయం కూడ వేయలేదు. మరి ఈ సినిమా థియేటర్లో చూసి , భయపడకపోతే ఐదులక్షలు ఇస్తామని ప్రకటనలు చేసి ప్రజలను వెదవలను చేస్తున్నారు. ఏంటో ఒకవైపు రాజకీయనాయకులు, ఒక వైపు సినిమాలు, ఒక వైపు వాణిజ్య ప్రకటనలు, ఎటు చూసిన జనాలను వెదవలను చేసేవే. అది ఎంతమంది అర్ధం చేసుకుంటారో??
మొత్తానికి చారానా కోడికి బారానా మసాలా….ఈ ఫూంఖ్ సినిమా!
….జ్యోతి వలబోజు
ఫూంఖ్ సినిమా మరో సమీక్ష ఇక్కడ చదవండి.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
sasank says:
CHaa ante meeku mee ammayiki bhayam veyyaka pothey inka evvariki bhayam veyya koodadha…enti…how can u generalise the things…..and meeru chepparu ee publicity valla janam vedhavalu avuthunnaru ani….but he is offering u 5 lakhs…if you watch this film alone….I think which is better publicity than the cell phone and some other corporate company gimmics.
Mari valla paina enduku meeru edavatam ledhu…prathi okkalu cinema valla piana padi edavadame….meeku anthaga istham leka pothey choodadhu….evaru choodamannaru….ippudu tv lo enno ad’s vasthayi…kottha products ni choopedathaaru…meeru anni koni vaadesthaara..idhi anthey……………
paiga janam meeru anukunnantha edavalau kaaru……meeredho…..andharini edavalni chesaaru ani feel avvalsina pani ledhu…………….
vishnu says:
sasank,
meeru baagaa bayapadinattunnaarey cinema chusi. RGV 5 lakhs ichaadaa?
జ్యోతి says:
శశాంక్ గారు,
నేను ఎవ్వరిని చూడొద్దు అనలేదు. నాలుగు లైన్ల కథను రెండు గంటల సినిమా చేసి , దానికి భయంకరమైన మ్యూజిక్ పెట్టి, ఎవరైనా భయపడితే ఐదు లక్షలు ఇచ్చేస్తా అనడమేంటి. పబ్లిసిటి స్టంట్ కాకపోతే. మీరు టివిలో ఇంగ్లీషు హారర్ సినిమాలు చూడనట్టు ఉన్నారు. అవి దీనికంటే ఎక్కువ భయపెట్టిస్తాయి. సినిమా చూసిన తర్వాత నాకు కలిగిన అనుభూతి చెప్పాను ..
అశ్విన్ బూదరాజు says:
రామ్గోపాల్ వర్మా ఓ దరిద్రపు, నికృష్టమైన, పరమ చత్త సినిమా తీసినా, చివరకు ఆయిన ఇంటర్వ్యూ ఓ రెండూన్నర గంటల పాటూ వేసినా
అతనికున్నా ఫాన్ ఆలోఇంగ్ లో కూసింత కూడా తగ్గదు. కమర్షియల్ గా కాకుండా తనకు నచ్చినది తీస్తాడు. అది ఆ యిన TradeMark.
అసలు షోలే వంతటి ప్రముఖ చిత్రాన్ని ’రాంగోపాల్ వర్మా క ఆగ్ ’ అని రిలీజ్ చేసి ఫ్లాపిచ్చినా తన తరువాతి చిత్రానికి అదే విధముగా స్పందన లభించటం కేవలం రామ్ గోపాల్ వర్మా స్టాంప్, సినిమా ఎలా ఉన్నా స్క్రీన్ మీద “A Film by Ram Gpal Varma ” అన్న పేరు చూడటానికైనా వెళ్ళొచ్చు. EAST OR WEST RAM IS BEST
అశ్విన్ బూదరాజు says:
phoonk దయ్యం సినిమా అనో భయంకర సినిమా అనో ప్రజలు చీడట్లేదందీ, అది రామ్ గోపాల్ వర్మా చిత్రం
vishnu says:
ఆశ్విన్,
మీరు పిచ్చ పిచ్చ వర్మ ఫాన్ లా ఉన్నారు.
ఒకప్పుడు మేమూ అంతే.కానీ ఇప్పుడు కాదు. ఇక వర్మదంతా డౌన్ వర్డ్ ట్రెండే చూస్తుండండి.
ఇంకా ఆయన ఫాన్ గా వుండడం సింకింగ్ షిప్ లో ఉండడమే.
Falling Angel says:
జ్యోతిగారు, రాంగోపాల్వర్మ ఇది పబ్లిసిటీ స్టంటని పబ్లిగ్గానే ఒప్పుకున్నాడులెండి, అతని బ్లాగు చదవండి. http://rgvarma.spaces.live.com
సినిమాలో కారెక్టర్లన్నీ దాదాపు తులసీదళంలోనివే. సినిమా స్కేరీ అని ఊదరగొట్టకుండా ఉండుంటే మంచి ఎమోషనల్డ్రామా గానైనా ఆడుండేదేమో !!!
arvind says:
Alreadt TulasiDalam TV serial was telicasted in a TV channel in long back, Ram already announced that this movie based on Yandamuri TulasiDalam, May be Ram is planning for sequel of Tulasi Dalam – KASMORA one the biggest hit in Telugu, In Ramgopalvarmaka KASMORA the girl will become mallika ” and audience will enjoy it”
Cine Valley says:
forget the story, the taking was good. Thats what we can get from rgv.
–Cine Valley
కె.మహేష్ కుమార్ says:
రామ్ గోపాల్ వర్మ ‘దెయ్యం’ తరువాత నేను భయపడే సినిమా ఇంతవరకూ మళ్ళీ తియ్యలేదు. ఫూంక్ సినిమాకన్నా TV లో వచ్చే హార్రర్ షోలు బెటర్ అనిపించింది.
శోభ says:
@సిన వ్యాలీ
టేకింగా?అంటే? అడ్డగోలుగా కెమెరా తిప్పడమే టేకింగా? ఏమో నాకు తెలియదు లెండి.
రాం గోపాల్ వర్మ టేకింగ్ గురించి మీరు కొంచెం వివరించండి. ముఖ్యంగా ఫూంక్ లో టేకింగ్ గురించి మీరు చెప్పండి వింటాం.
PraveenB says:
Abbaaa….. Kummaru sir. naaku artham kaani vishayam yemitante, meeru “Telugu Phoonk” (Raksha) ki sameeksha raasi Ramgopal varma Hindi “Phoonk” Title pettaaru. nijamantaara? poni vadileyandi, meeku voka saametha cheppalani vundi ‘Ye Chettu Leni Chota Aamudam Chettu Maha Vriksham anta’. meeku chinna vignapti, meeru “Raksha” ( Telugu Phoonk) ki sameeksha raasthe chadavaalani voka korika. mannistaarani nammakam. namaskaaram……
PraveenB
శిద్దారెడ్డి వెంకట్ says:
ప్రవీణ్,
ఇది హిందీ సినిమా సమీక్శే.కావాలంటే డేట్ చూడండి. అప్పటికి తెలుగు సినిమా రాలేదు. ఆల్రెడీ హిందీ లో చూసే జనాలు తేరుకోలేదు. మళ్ళి మీ కోసం తెలుగులో చూడాలంటే కష్టమే . మీరు చెప్పిన ఆ అముదం చెట్టు థియరీతో రక్ష రివ్యూ రాసి పంపండి, ప్రచురిస్తాం.
PraveenB says:
Sir,
naa gurinchi cinema lu chudakandi. mee gurinchi, meeru raaya valasina sameekshala gurinchi cinema lu chudandi.
mi abhishtam meraku tappani sariga raayagalanu.
PraveenB
shree says:
hey మీరెవరు “The Exorcist” గురించి మాట్లాదట్లేదేమిటి…1979 లో vachina ee సినిమా ని చూసే యండమూరి వారు “తులసిదళం” అనే నోవెల్ రాసారు దీనిని చూసే మన వర్మ గారు “ఫూంక్ ” అని తీసారు … “ఫూంక్” ని చూసి “రక్షా ” తీసారు …..
నీను నోవెల్ చదివాను కాబట్టి నాకు ఈ సినిమా చూసినట్టుకూడా లేదు ….తర్వాత “exorcist” చూసాను…audio effects కి ఆస్కార్ అవార్డు పొందిన ఆ సినిమా ని చూసిన వాళ్ళెవరు బయపడకుండా వుండరని నాకు అనిపిస్తుంది…మరో విషయం ఈ సినిమా warner brothers తీసిన అన్ని horror సినేమలల్లోకల్ల ఎక్కువ collections sampaadinchindi
annintikanna highlight ee cinmalu and novles lo kooda…mundu Tavvakaalalaney choopistharu….
veeluntey “The Exorcist” choodandi…
shree says:
FIRST CINEMAKI VACHINA COLLECTIONS KI PONGI POYI …warner brothers ….the exorcist second part theesi chethulu kaalchukunnaru…
SRINIVAS says:
MI MAMMA TADIKI
SRINIVAS says:
నేను నమ్మడము లేదు.