Menu

స్పిరిట్యువల్ సినిమా సర్కిల్

రెండు నెలల క్రితం ఒక స్నేహితుడు పంపించిన ఈమెయిల్‌ను చూసి, ప్రయత్నిద్దాం అని స్పిరిట్యువల్ సినిమా సర్కిల్ అనే వెబ్‌సైట్లో రిజిష్టర్ అయ్యాను. ఎన్నో అత్యద్భుతమైన సినిమాలు సరిపడ వ్యాపార విలువలు లేవనే కారణంతో హాలీవుడ్‌లో విడుదల కాలేవు అన్నది చేదు నిజం. అవి మరుగున పడిపోయి వాటి కష్టానికి తగిన గుర్తింపు లేకుండా పోతున్నది. ఇది గమనించిన ఔత్సాహికులు కొందరు, వీటిని ఆదరించే ప్రేక్షకుల కోసం ఒక సినిమా సర్కిల్‌ను నెలకొల్పారు. సర్కిల్‌లోని సభ్యులకు నెలకు ఒక డివిడిని పంపిస్తారు (నెలకు  $21.00  + పంపకం: $4.95 అమెరికా, $7.95 అంతర్జాతీయం). ప్రతి డివిడిలో నాలుగు చిత్రాలు ఉంటాయి; ఒక పూర్తి నిడివి సినిమా, రెండు చిట్టి/లఘు చిత్రాలు, ఒక డాక్యుమెంటరీ.

ప్రపంచంలో ఎక్కడెక్కడి నుండో తీయబడి సినిమా హాల్లో రిలీజు కాని, కాలేని వాటిల్లోంచి ఏరి మనకు పంపిస్తారు. వీటి నాణ్యత ఎంతో ఉత్తమంగా ఉంటాయి – నేను సాక్ష్యం. సినిమాలంటే అంటే కేవలం వినోదమే కాదు, కేటాయించిన సమయంలో కొంత నేర్చుకుంటే కూడా బాగుంటుంది అని మీరు నమ్మితే, భంగపడరు. సినిమా అంటే కేవలం – ఇద్దరు పెళ్ళి చేసుకోవడంలో ఎటువంటి కష్టాలు ఎదుర్కొంటారు అనే ఒక సమస్యకు రకరకాల వెరైటీ పరిష్కారాలు – అని మీరు నమ్మితే, తీవ్ర నిరాశ తప్పదు. మొదటి నెల డివిడి ఉచితం, పంపకం చార్జి మాత్రమే తీసుకుంటారు కాబట్టి ప్రయత్నించడంలో నష్టం ఏమీ లేదు.

మొదటి నెల అయిన తరువాత మానేద్దాం అని అనుకున్నాను కానీ జనవరి నెల డివిడిలో మీరా నాయర్ సినిమా “ది లాఫింగ్ క్లబ్” చూసిన తరువాత మానెయ్యడానికి ఏ మాత్రం ధైర్యం చాలడం లేదు. ఈ టపా రాసేటప్పుడే వెతికితే, ఆమె 1999వ సంవత్సరం ఆగస్టులో తీసిన సినిమా అని తెలిసింది! ఔరా!! చక్కటి ఉద్దేశ్యం, ఉపాయం, సందేశం వంటివి ఉన్న సినిమాలు ఏవీ మిస్సవను కదా అని ఆలోచించేసరికి ఫిబ్రవరి నెల డివిడి కూడా వచ్చింది.  అందులో The Rub of Attraction సినిమా చూసిన తరువాత మానేసే ఆలోచనను మానుకున్నాను. మీరు సభ్యులు కాకున్నా, అంతర్జాలాన కొన్ని చిట్టి చిత్రాలను చూడవచ్చు. మిగతా అన్ని వివరాలకు spiritualcinemacircle.com సైటును చూడండి.

–నాగన్న

5 Comments
  1. chavakiran March 10, 2008 /
    • lokesh March 29, 2010 /
  2. koresh March 13, 2008 /
  3. kalikaalam April 4, 2008 /
  4. lokesh March 29, 2010 /