సినిమా : Teeth of Love
దేశం : చైనా
భాష : చైనీసు
దర్శకుడు : Zhuang Yuxin
ఇది మన హిఫ్కి ప్రారంభోత్సవ సినిమా. అంటే ఒక విధంగా మన సెలక్టర్ల దృష్టిలో ఇది ఉత్సవానికొచ్చిన కొత్త సినిమాల్లో కెల్ల అత్యుత్తమమని.
ఇక సినిమా గురించి మూడు ముక్కల్లో చెప్పాలంటే,
మొదటి ముక్క, అమ్మాయి స్కూలులో వున్నప్పుడు ఒకతన్ని ప్రేమిస్తుంది. అది వివిధ కారణాలచే విఫలమవుతుంది.
రెండవ ముక్క, అమ్మాయి కాలేజీలో వున్నప్పుడు ఒకతన్ని ప్రేమిస్తుంది. అది వివిధ కారణాలచే విఫలమవుతుంది.
మూడవ ముక్క, అమ్మాయిని కాలేజీనుండి భహిష్కరించిన తరువతా పెళ్లి చేసుకుంటుంది. అతన్ని మాత్రం ప్రేమించలేక పోతుంది, కానీ విడిపోవాలని నిశ్చయించుకున్న తరువాత ఆఖరిగా ఒక్క రోజు అతనిని ప్రేమించగలుగుతుంది.
ఈ మూడూ ప్రేమలూ ఆమెపై చెఱో గాయాన్ని వదులుతాయి. ఇదంతా ఒక పదేళ్లకాలంలో, చైనా చరిత్రలో ఒక కీలక దశాబ్దిలో జరుగుతుంది.
ప్రారంభోత్సవంలో ఈ సినిమా నిర్మాత, కథానాయిక మాట్లాడారు. సహనిర్మాత మాట్లాడుతూ సినిమా తీయడానికి పది ఏండ్లు పట్టిందని చెప్పారు. సినిమా పోస్టరు చూస్తే చాలు ఇది మీకు నిజమని తెలుస్తుంది. ఇక కథానాయిక యాన్ బిఙ్యాన్ కూడా మాట్లాడారు. ఆమెకి ఆంగ్లం రావకపోవడం గమనార్హం. పిదప సినిమా గురించి పరిచయం చేస్తూ నిర్వాహకులలో ఒకతను ఈ సినిమా స్క్రీనుప్లే చూసి మేము నిర్ఘాంతపోయాం, కాబట్టి మీరు కూడా కథలో మునిగి సినిమాని ఆశ్వాదించండి అన్నారు.
నేను మామూలుగా స్క్రీనుప్లే అన్నపదం వినడమే గాని, అసలు అదేంటో అంతుపట్టేది కాదు. ఈ సినిమాలో మొదటి నుండి కడదాకా, చిత్రీకరణలో ఒక రకమైన నిజాయితీ కనిపించిది, ఆ చిత్రీకరణ సినిమా ఒక్క కళాత్మక విలువకు చాలా తోడ్పడింది. అప్పుడనిపించింది స్క్రీనుప్లే అంటే ఇదేనేమో అని.
ఇక కథ విషయానికొస్తే, అది విషాదాంతమూ కాదూ సుఖాంతమూ కాదు. నిజ జీవితంలో చాలా ఘట్టాల్లాగా దానిదో అర్థంలేని అంతము. చీకూ చింతా లేని హైస్కూలు మహరాణి, పదేళ్ల తరువాత ఒంటరిగా దుఃఖానికి అలవాటు పడిపోయిన జీవిగా ఎలా మారిపోతుందో చూడగలం. ఆ వ్యక్తి జీవితంలో తను ఆఖరుకు మిగిలిన వ్యక్తిగా ఎలా తీర్చిదిద్దబడ్డదో అన్న ఘట్టాల శృంఖల ఈ సినిమా. సినిమా చూసింతరువాత మనకో అనీజీ భవం మిగులుతంది, అఱ్ఱె ఇలా ఎందుకు జరిగింది అని (ఉత్సవంలో ఇలాంటి సినిమాలకు లోటు లేదు). కాబట్టి ఇలాంటి సినిమాలను మన భారతంలో తీయలేము. అందుకు నిదర్శనం, సినిమా బయటకు వచ్చాక ఒక వ్యక్తి అతని మిత్కుడితో “అసులు ఈ సినిమా అర్థం ఏఁవిటి” అని అడగడం.
సారాంశం – సినిమాలో కథాంశం పాత తెలుగు నవళ్లోలా చాలా సీరియస్ కథాంశం. కథనం చాలా బాగుంటుంది. నిరార్భాటంగా, నిజాయితీగా. సినిమా తీయడంలో నేను గ్రహించగల ఎలాంటి సాంకేతిక లోపాలూ లేవు (చిత్రోత్సవంలో అన్ని అంతర్జాతీయ సినిమాల్లోలా). వీలైతే చూడగలరు.
లంకెలు
http://www.10thnpc.org.cn/english/culture/237140.htm
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
వెంకట్ says:
రాకేశ్ గారూ,
మంచి సినిమా గురించి తెలియచేసినందుకు నెనర్లు. ఈ సినిమా చూడ్డానికి ప్రయత్నిస్తాను.
“సినిమా తీయడంలో నేను గ్రహించగల ఎలాంటి సాంకేతిక లోపాలూ లేవు (చిత్రోత్సవంలో అన్ని అంతర్జాతీయ సినిమాల్లోలా)”
ఇద్ది నిజం. మన సినిమాల్లో సాంకేతిక లోపాలు చాలనే వుంటూన్నాయి. స్క్రీన్ప్లే పరంగానూ, ఎడీటింగ్ పరంగానూ.
మొన్న మంత్ర సినిమా చూస్తుంటే ఒక సీనులో శివాజి లేస్తున్నట్టు చూపిస్తారు, ఈ లోపలే మరో ఏంగిల్ లో తాపీగా కూర్చుని వుంటాడు. అలాగే ఇందులో మంత్ర ఫోనులో మాట్లాడుతున్నప్పుడు ఆమే దెయ్యమేమో అన్న అనుమానం కలిగించడానికి ఆమె మొహం మరొకరి మొహం గా రూపాంతరం చెందడం చూపిస్తాడు దర్శకుడు. కానీ లాజుకల్గా చూసే ప్రేక్షకులకు అలా జరగడం తెలియకూడదు. ఎమ్దుకంటే నిజానికి అక్కడ ఆమె మొహం అసలు మారదు. మరో వ్యక్తి ఆమె మొహం అలా మారుతున్నట్టుగా ఊహించుకుంటాడు. అలాంటప్పుడు subjective point of view ఉపయోగించాలి. ఇలా చెప్పుకుంటే పోతే చాలానే తప్పులున్నాయి. ఒక విధంగా హిందీ వాళ్ళు ఈ విష్యంలో కొద్దిగా మార్పు సాధించారు. తీసేవి చెత్త సినిమాలైనా ఒకింత పర్ఫెక్షన్ కనిపిస్తుమ్ది.
“కాబట్టి ఇలాంటి సినిమాలను మన భారతంలో తీయలేము.” అన్నది ఇప్పుడు నిజమే కానీ, రానున్న రోజుల్లో అలాంటి సినిమాలకూ అవకాశం వుండవచ్చ్నకుంటాను.
మరిన్ని సమీక్షలకై ఎదురుచుస్తుంటాను.
వీవెన్ says:
వివిధ వయసుల్లో ఓ నటుడిని సహజంగా చూపించాలంటే, సినిమాని ఓ 20-30 సంవత్సరాల కాలంలో తియ్యాలి అని మన సినిమాల్లో ఫాష్బ్యాకులు చూసి అనుకునే వాడిని. అయితే అలా నటుల సహజ ఎదుగుదలని చూపించే ఓ సినిమా వచ్చిందన్నమాట.
రాకేశ్వర, సమీక్ష చదువుతుంటే సినిమా చూడాలనిపిస్తుంది!
రాజేంద్ర కుమార్ దేవరపల్లి says:
@వీవెన్ గారూ మీకు ఆ సినిమా చూసే అవకాశం వస్తే నాకూ చెప్పగలరు .
కొత్తపాళీ says:
Glad to see you start writing about your HIFF exp.
వెంకట్ says:
నేను ఇవ్వాళే ఆ సినిమా చూసా. ఫర్వాలేదు బాగానే వుంది. అన్నింటికంటే యాన్ బిఙ్యాన్ నటన చాలా బావుంది.
Theja says:
Chusthu vunte yee madya vachina arava cinema “Autograph” laa agupisthondhi….
bhanu says:
Intha manchi movie knowledge unna meeru … mana telugu cinemalni comment chese badhulu …. meere meekistamyna cinemaa okati theesi prove cheyocchuga …
K.మహేష్ కుమార్ says:
అదేదో క్రిష్ణవంశీ సినిమాలో “ఒక్క చ్చాన్స్ ఇస్తే !” అని సంగీత అంటుందు గుర్తుందా? ఇంచుమించు అదే బాపతు మాది (కనీసం నాది), తేడా అల్లా తను ఎర్ర బస్సు అప్పుడే దిగి ఆ మాట అంటుంది, మనమంతా కాస్త సినిమా పాండిత్యం వెలగబెట్టి అంటున్నాం అదీ విషయం.